ე.წ. რუსული კანონი ძალიან ლიბერალურია,  უფრო მკაცრი უნდა იყოს,- ამის შესახებ „ევროპული სოციალისტების" დეპუტატმა, ფრიდონ ინჯიამ განაცხადა.

ინჯიას თქმით,  კანონის ამერიკული ვარიანტი, საქართველოში უფრო მკაცრი უნდა იყოს.

"შემოტანილია ორი ვარიანტი კანონის, ერთი არის როგორც ე.წ. რუსული კანონი, რომელიც ძალიან ლიბერალურია, არაფრის მომცემი და ნახევრად კანონი და მეც ვუერთდები კოლეგების განცხადებას, არა რუსულ კანონს. რაც შეეხება ამერიკულ კანონს, მე მიმაჩნია დღეს უფრო მკაცრი უნდა იყოს საქართველოში ეს კანონი. რაც შეეხება აშშ-ს ასეთი დიდი ქვეყანა, როგორც ამერიკის შეერთებული შტატებია, მთელი სისტემებით, მას აქვს ეს კანონი 1938 წლიდან და ეს კანონი მუშაობს, თავისი ქვეყნის, ამერიკის შეერთებული შტატების ინტერესებიდან გამომდინარე არის ეს კანონი. ჩვენ ასეთი პატარა ქვეყანა ვართ, შეიძლება ჩვენ ქვეყანას არ სჭირდება ასეთი კანონი, თუ სჭირდება, იმისთვის რომ უფრო დამოუკიდებლობის ხარისხი ავამაღლოთ?! ეს ერთი და მეორე, საუბარია დღეს კონსტიტუციასა და კონსტიტუციის 78-ე მუხლზე, როგორ ფიქრობთ, იქ ჩანაწერი, რომელიც არის ინტეგრაცია, ეს არის თუ არა ინტეგრაცია, თუ ჩვენ ევროპულ ან ამერიკულ კანონს მივიღებთ, ან მივიღებთ კანონს, რომლის შინაარსი და სულისკვეთება იქნება ევროპული ან ამერიკული",- განაცხადა ინჯიამ.

შეგახსენებთ, რომ დღეს იურიდიულ საკითხთა კომიტეტზე “ქართული ოცნების" და ანტიდასავლური მოძრაობა "ხალხის ძალის" წევრები, „უცხოური აგენტების შესახებ“ კანონპროექტს მეორე მოსმენით განიხილავენ. ადგილზე მმართველ პარტიასა და ოპოზიციონერ დეპუტატებს შორის სიტუაცია არა ერთხელ დაიძაბა და სიტყვიერ და ფიზიკურ დაპირისპირებაში გადაიზარდა. 

აღსანიშნავია, რომ საკანონმდებლო ორგანოში დაშვების შეზღუდული რეჟიმი აამოქმედეს და ჟურნალისტები არ შეუშვეს. 

პარლამენტის შენობასთან არასამთავრობო ორგანიზაციები და მედიის წარმომადგენლები არიან შეკრებილი და საპროტესტო აქციას მართავენ. ​ადგილზე ასევე იმყოფებიან რიგითი მოქალაქეები და სხვადასხვა სექტორის წარმომადგენლები, რომლებიც თვლიან, რომ აღნიშნული კანონპროექტის განხილვა საქართველოს მომავლისთვის საზიანო იქნება.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს