ის, რასაც დღეს ჩვენ ვუყურებთ არის რეალური სასწაული - ვუყურებთ, რას აკეთებენ უკრაინელები და როგორ გააჩერეს ეს ბოროტების იმპერია და ძალიან მაღალი ალბათობით, მე, შეიძლება, ჩემს ცხოვრებაში უკვე მეორედ მოვესწრო ამ იმპერიის რღვევას, - ამის შესახებ "გირჩი - მეტი თავისუფლების" ლიდერმა, ზურაბ ჯაფარიძემ თბილისში, პარლამენტის შენობის წინ მიმდინარე უკრაინის სოლიდარობის აქციაზე განაცხადა.

როგორც ჯაფარიძემ სიტყვით გამოსვლისას აღნიშნა, რუსეთ-უკრაინის ომმა ცხადყო, "სად არის მორალი და სად ამორალურობა, სად არის თეთრი და სად - შავი".

"24 თებერვალი არის დღე, როდესაც ჩვენ თვალწინ სამყარო გაიყო ორად. ამ დღეს მთელ ცივილიზებულ სამყაროს სჯეროდა, რომ უკრაინა დაეცემოდა. სჯეროდათ, რომ კიევი სამ დღეში დაეცემოდა და კიევი თუ დაეცემოდა, გასაგებია, რა დაემართებოდა ჩვენს ქვეყანასაც - ძალიან მაღალი ალბათობით, დაკვარგავდით ყველაზე ძვირფასს რაც გვაქვს - დამოუკიდებლობას, რომლსაც თაობებმა შესწირეს სიცოცხლე და უამრავი სისხლი გვაქვს ამისთვის დაღვრილი. შემდეგ მოხდა სასწაული - ის, რასაც დღეს ჩვენ ვუყურებთ, არის რეალური სასწაული - "ლაივში" ვუყურებთ, რას აკეთებენ უკრაინელები და როგორ გააჩერეს ეს ბოროტების იმპერია და ძალიან მაღალი ალბათობით, მე, შეიძლება, ჩემს ცხოვრებაში უკვე მეორედ მოვესწრო ამ იმპერიის რღვევას. ამას აკეთებენ უკრაინელები ჩვენს თვალწინ. ცხადი ხაზი გაივლო, სად არის მორალი, სად არის ამორალურობა; სად არის თეთრი, სად არის შავი. ის, რომ დღეს თქვენ აქ ხართ, ეს არის დასტური იმის, რომ თქვენ არ გჭირდებათ ამის ახსნა. ამის გამო, მინდა მადლობა გადაგიხადოთ... ხალხი რომ გარბის ამ ქვეყნიდან, იმის გამო კი არ გარბის, რომ რაღაც უჭირს, იმის გამო გარბიან, რომ ამ ქვეყანაში იმედი დაკარგეს, რომ ჩვენ შევძლებთ ნორმალური ქვეყნის აშენებას, მაგრამ თქვენ რომ აქ დგახართ, ეს არის ამის უარყოფა. ყველაფერი შეგვიძლია, ამ ბრძოლასაც მოვიგებთ, ამათაც მოვიშორებთ და ნორმალურ ქვეყანასაც ავაშენებთ", - მიმართა ზურაბ ჯაფარიძე აქციის მონაწილეებს.

ცნობისთვის, „ეს არის საქართველო - დიდება გმირებს“  - საქართველოს პარლამენტთან უკრაინაში რუსეთის სრულმასშტაბიანი შეჭრის წლისთავთან დაკავშირებით უკრაინის სოლიდარობის აქცია მიმდინარეობს. 

ადგილზე შეკრებილი არიან საქართველოს მოქალაქეები, პოლიტიკური პარტიები, სამოქალაქო საზოგადოება და სხვადასხვა პროფესიის წარმომადგენლები. აქციას მეტროსადგურ "რუსთაველიდან" მსვლელობით შეუერთდნენ თბილისში მცხოვრები უკრაინელები. რუსთაველის გამზირზე გადაკეტილია მოძრაობა. 

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს