ამერიკულ ვარიანტს ასე პირდაპირ გადმოთარგმნილს და გადმოკოპირებულს ჩვენი მხარდაჭერა არ და ვერ ექნება, - ასე გამოეხმაურა “ქართული ოცნების” დეპუტატი მამუკა მდინარაძე დიმიტრი ხუნდაძის განცხადებას.

მისივე თქმით, ამერიკული კოპირებული ვარიანტის შემოტანა ინიციატივის სახით ვერ მიიღება, ვინაიდან მოცემული კანონპროექტი მკაცრი, ხისტი და შეუთავსებელია ადამაინის უფლებებთან.

 "წინასწარ, ძალიან მაღალი ალბათობით შემიძლია გითხრათ, რომ ამერიკულ ვარიანტს ასე პირდაპირ გადმოთარგმნილს და გადმოკოპირებულს ჩვენი მხარდაჭერა არ და ვერ ექნება. ამის გამო მართლაც იყო შეხვედრა და მათ დააფიქსირეს პრინციპების დონეზე პოზიცია თავისი, რომ სურდათ, ამერიკული კოპირებული ვარიანტის შემოტანა ინიციატივის სახით, ჩვენ მათ ვუთხარით, რომ ამ შემთხვევაში ვერ იქნებოდა ჩვენი მხარდაჭერა იმიტომ, რომ მართლაც ძალიან მკაცრია, ძალიან ხისტია, შეუთავსებელია ადამაინის უფლებებთან, პირდაპირ ვამბობ, ყოველგვარი გადაჭარბებისა და მორიდების გარეშე და ამდენად მკაცრი კანონმდებლობა ამ სფეროში, მე მგონია, რომ მართლაც დააზიანებს ენჯეო სექტორის ინტერესებს და ზოგად საზოგადოებრივ ინტერესებს.
ამიტომ ჩვენ მაშინ მათ ვთხოვეთ, რომ აკრძალვები და შეზღუდვები საერთოდ ამოეღოთ, თუ უნდოდათ რაღაც მსგავსი კანონპროექტის ინიცირება, აკრძალვები და შეზღუდვები საერთოდ ამოეღოთ, კი ბატონო, მათ ეს გააკეთეს და ამის მიუხედავადაც კი რამხელა ამბავი ატყდა, სიტყვა აგენტს მოჰკრეს ყური და რამხელა ლუსტრაცია მოხდა გარკვეული ჯგუფების, თქვენ ხედავთ ამ ყველაფერს.
როგორც რუსულ, ასევე ამერიკულ ვარიანტში არის მთელი რიგი უმკაცრესი, უხისტესი შეზღუდვები, რაც მე მგონია, რომ ამ ქვეყანაში არ უნდა მუშაობდეს და არ იმუშავებს", - განაცხადა მდინარაძემ.

შეგახსენებთ, დიმიტრი ხუნდაძემ დღეს “აგენტების კანონზე”, ახალი, ალტერნატიული კანონპროექტის დარეგისტრირება დააანონსა, რომელიც ამერიკული კანონის ანალოგი იქნება.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს