ბელარუსის პრეზიდენტი ალექსანდრ ლუკაშენკო აცხადებს, რომ საქართველოში განვითარებულ მოვლენებს, მათ შორის მესამე პრეზიდენტთან, მიხეილ სააკაშვილთან დაკავშირებით, თვალს ადევნებს.

როგორც ლუკაშენკომ დროებით ოკუპირებული აფხაზეთის ე.წ. პრეზიდენტთან, ასლან ბჟანიასთან შეხვედრისას თქვა, ის, რაც სააკაშვილის გარშემო ხდება, "რაღაც არ ჩანს ძალიან საკადრისად".

„რაღაც არ ჩანს ძალიან საკადრისად იმ თვალსაზრისით, რომ ბოლოს და ბოლოს ის პრეზიდენტი იყო. ამიტომ, იმ დონემდე დაშვება, როგორც ეს ახლაა, უბრალოდ არასაკადრისია. რატომ ვამბობ ამას: ჩვენ ხომ არ შეგვიფასებია, არ ჩავრეულვართ ამ და სხვა სიტუაციებში. ჩვენ, რამდენადაც ეს შესაძლებელია, ძალიან კარგ ურთიერთობას ვინარჩუნებდით და ვინარჩუნებთ თბილისთან. რატომ რეაგირებენ ასე მწვავედ? [ჩვენს შეხვედრაზე] ვფიქრობ, დამეხმარებით ამ შეკითხვაზე პასუხის პოვნაში", - მიმართა ლუკაშენკომ ბჟანიას.

ცნობისთვის, დროებით ოკუპირებული აფხაზეთის ე.წ. პრეზიდენტი ასლან ბჟანია ბელარუსში იმყოფება. ბჟანია მინსკში გამგზავრებამდე შეხვედრებს, მოსკოვში, პრეზიდენტის ადმინისტრაციაში მართავდა. ე.წ. პრეზიდენტი რუსეთის ფედერაციას 14 თებერვალს ესტუმრა.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს