უნგრეთმა დაბლოკა ევროკავშირის ინიციატივა, გამოეთქვათ პროტესტი საქართველოს ხელისუფლების მიმართ ექს-პრეზიდენტის, მიხეილ სააკაშვილის საქმესთან დაკავშირებით,- აღნიშნულის შესახებ უკრაინული მედია, პოლონურ რადიო RMF FM-ზე დაყრდნობით წერს.

მედიაში გავრცელებული ინფორმაციით, სააკაშვილისთვის სასჯელის შეჩერების ინიციატივით პოლონეთი გამოვიდა, რათა მას სამედიცინო დახმარება საზღვარგარეთ მიეღო. აღნიშნული წინადადება შეტანილი უნდა ყოფილიყო ევროკავშირის დიპლომატიურ პროტესტში, რომლის თბილისისთვის გამოხატვაც იგეგმებოდა.

მედიის ცნობითვე, გასულ კვირას, ევროკავშირის სამიტის შემდეგ პოლონეთის პრემიერ-მინისტრმა, მატეუშ მორავიეცკიმ განაცხადა, რომ მისი ქვეყანა მზად იყო მიეღო მიხეილ სააკაშვილი სამკურნალოდ.

გარდა ამისა, მედია წერს, რომ პოლონეთის წინადადებას უნგრეთის გარდა ყველა ქვეყანამ დაუჭირა მხარი. ევროკავშირის დიპლომატები აცხადებენ, რომ ყველა ღონეს ხმარობენ, რათა დაარწმუნონ ბუდაპეშტი - გადაიფიქროს.

"ევროკავშირში ერთსულოვნების მიღწევის შემთხვევაში, თბილისზე გავლენის ინსტრუმენტად შესაძლოა გამოიყენონ საქართველოს ევროპული მისწრაფებები",- წერს მედია.

შეგახსენებთ, რომ გუშინ ევროპარლამენტმა საქართველოს ყოფილი პრეზიდენტის, მიხეილ სააკაშვილის ჯანმრთელობის მდგომარეობასთან დაკავშირებით რეზოლუცია მიიღო.

ევროპარლამენტარებმა შეშფოთება გამოხატეს საქართველოს ყოფილი პრეზიდენტის, მიხეილ სააკაშვილის ჯანმრთელობის მდგომარეობის გაუარესების გამო და მოითხოვეს მისი შეწყალება და სამკურნალოდ საზღვარგარეთ გადაყვანა.

ავტორი: ექსპრესნიუსი,

სოციალური ქსელები

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს

BOG-ის მობილბანკის მორიგი განახლება - ახალი შესაძლებლობები მომხმარებლებისთვის

რუსთაველზე ამობრუნებულ თვითმცლელში ბავშვი იმყოფებოდა - მიმდინარეობს მოკვლევა