2023-02-12 16:22:27, 1564 ნახვა
ომი უკრაინაში
ვოლოდიმირ ზელენსკიმ რუსეთთან დაკავშირებულ 200 პირს სანქციები დაუწესა
უკრაინის პრეზიდენტი ვოლოდიმირ ზელენსკი რუსეთის ფედერაციასთან დაკავშირებულ 200 პირს პერსონალურ სანქციებს უწესებს. ადგილობრივი მედიის ცნობით, უკრაინის სახელმწიფოს მეთაურმა შესაბამის განკარგულებას ხელი უკვე მოაწერა.
სანქცირებულთა სიაში რუსეთის 199 და უკრაინის ერთი მოქალაქე მოხვდა. ახალი განკარგულების თანახმად, სანქცირდება უკრაინელი ანდრეი ჩერნიჩუკი, რომელიც რუსებმა ზაპოროჟიეს ატომური ელექტროსადგურის „გენერალურ დირექტორად“ დანიშნეს.
როგორც ადგილობრივი მედია წერს, დასანქცირების პროცესის ეფექტურად განხორციელება მინისტრთა კაბინეტმა ქვეყნის უსაფრთხოების სამსახურსა და ეროვნულ ბანკთან ერთად უნდა უზრუნველყოს.
ავტორი: ექსპრესნიუსი,
epn.ge (@expressnews.ge)
