ის ყოველთვის იქნება ხეპრული, როყიო და აგრესიული, - ასე დაახასიათა "ქართული ოცნების" ვიცე-სპიკერმა, გიორგი ვოლსკიმ "ნაციონალური მოძრაობის" ახალი თავმჯდომარე ლევან ხაბეიშვილი. 

მისი თქმით, თუ ლევან ხაბეიშვილს გეგმავს, რომ "სახტუნაოზე ხტუნაობით" აჩვენოს დამსახურებები, მაშინ უმჯობესია პარლამენტიდან გავიდეს.

"სერიოზულ პასუხს ვერ გასცემ, იცით. თუ ოფისის დათმობას აპირებს, შეიძლება იქ შექმნას საგანმანათლებლო დაწესებულება ან პოლიტიკური საგანმანათლებლო ცენტრი, სადაც თვითონ და წალენჯიხის მერი წაიკითხავენ ლექციებს. 

რესურსი თუ არ გაგაჩნია ინტელექტუალური და მხოლოდ სახტუნაოზე ხტუნაობით აჩვენებ შენს დამსახურებებს, რა საკვირველია ჯობია პარლამენტიდანაც გახვიდე, რათა სასაცილო მდგომარეობაში არ აღმოჩნდე. 

ხაბეიშვილი ხელებს მიამტვრევს, ფეხებს მიამტვრევს თუ ყურებს მოაჭრის, ამ საკითხებთან დაკავშირებით მე არ მაქვს სერიოზული კომენტარი. ის ყოველთვის იქნება ხეპრული, როყიო, აგრესიული", - განაცხადა ვოლსკიმ. 

შეგახსენებთ, რომ გუშინ "ნაციონალური მოძრაობის" ახალმა თავმჯდომარემ, ლევან ხაბეიშვილმა განაცხადა, რომ ის მზად არის მიხეილ სააკაშვილის თავისუფლების სანაცვლოდ პარტიამ "დატოვოს პარლამენტი, საკრებულოები და ენმ-ის ცენტრალური ოფისი ბიძინა ივანიშვილს გადაუფორმონ". აღნიშნულ განცხადებას მისი პარტიის წევრების მხრიდან უთანხმოება მოჰყვა. 

ავტორი: ექსპრესნიუსი,

სოციალური ქსელები

მზია ამაღლობელმა საკუთარი პრინციპულობითა და შეუპოვრობით კიდევ ერთხელ გააშიშვლა ოცნების ავტორიტარული სისტემის რეალური სახე -მედიის ადვოკატირების კოალიცია

მდინარე ხობისწყალში დედა-შვილი დაიხრჩო

"საგანძურის მარათონში" ახალი თვე დაიწყო - ახალი გამარჯვებულები, ₾250 000-იანი საპრიზო ფონდი

WaPo: ტრამპი პენტაგონის ხელმძღვანელისგან ირანთან ომისთვის რაკეტების დეფიციტის შესახებ ახსნა-განმარტებას ითხოვს