მინდა განვაცხადო, რომ ვტოვებ "ერთიანი ნაციონალური მოძრაობის" პოლიტსაბჭოს თავმჯდომარის პოსტს, ისევე როგორც, ვტოვებ პოლიტსაბჭოს, - ამის შესახებ ნაციონალური მოძრაობის წევრმა კობა ნაყოფიამ “მთავარი არხის” ეთერში განაცხადა. 

მისივე თქმით, პარტიაში ის რიგითი წევრის სტატუსით რჩება, იქამდე სანამ  მიხეილ სააკაშვილი პატიმრობაში იქნება. 

მან დასძინა, რომ პარტიაში დარჩენა არ დარჩენის საკითხს განიხილავს მაშინ, როდესაც მიხეილ სააკაშვილი თავისუფალი იქნება და მიეცემა მასთან კომუნიკაციის საშუალება.

“მინდა განვაცხადო, რომ ვტოვებ "ერთიანი ნაციონალური მოძრაობის" პოლიტსაბჭოს თავმჯდომარის პოსტს, ისევე როგორც, ვტოვებ პოლიტსაბჭოს,  ვრჩები რიგით პარტიის წევრად მანამ, სანამ მიხეილ სააკაშვილი იქნება პუტინის პირადი პატიმარი საპყრობილეში. შემდეგ მივიღებ უკვე გადაწყვეტილებას, დავრჩები თუ არა. მანამდე ვრჩები. ეს გარდაუვალია და არც განიხილება. შემდეგ კიდევ მივიღებ გადაწყვეტილებას, პარტიაში დავრჩები თუ არა... პარტიაში დარჩენის გადაწყვეტილებას მივიღებ მაშინ, როდესაც მიხეილ სააკაშვილი იქნება თავისუფალი და მომეცემა მასთან კომუნიკაციის საშუალება", - განაცხადა ნაყოფიამ.

შეგახსენებთ, “ერთიან ნაციონალური მოძრაობის” თავჯდომარე ხმათა უმრავლესობით 52,58%-ით ლევან ხაბეიშვილი გახდა.

კობა ნაყოფიასთან ერთად “ნაციონალური მოძრაობის” წევრებმა, ბაჩო დოლიძემ და აკაკი მინაშვილმაც  დატოვეს პარტიული თანამდებობები, თუმცა პარტიაში ისინიც კვლავ რჩებიან.

ავტორი: ექსპრესნიუსი,

სოციალური ქსელები

რატი იონათამიშვილი – ხალხი, ვინც დღეს კრიმინალზე პროპაგანდას ავრცელებს, რეალურად წარმოადგენს წინა ხელისუფლებას, რომლის დროსაც კატასტროფული სიტუაცია იყო

ეკა კუპატაძე – ბრძოლის სერიოზული ეტაპი ჯერ კიდევ გასავლელი გვაქვს, თუმცა მაინც შეიძლება ვთქვათ, რომ სამართალი აღდგა

კახა კახიშვილი - თითქმის მთელი ქვეყნის ელექტროენერგიის გარეშე დარჩენასთან დაკავშირებით განმარტებამ კითხვებზე პასუხების ნაცვლად, მეტი ეჭვი გააჩინა

ევროკავშირის წარმომადგენლობა - მზია ამაღლობელისთვის განაჩენის გამოტანის წლისთავზე, ევროკავშირი დაუყოვნებლივ გათავისუფლებას მოითხოვს