ეს გამარჯვება ეკუთვნის მიხეილ სააკაშვილს, ცხადია, პირველი გადაწყვეტილებებიც დაკავშირებული იქნება მისი თავისუფლებისთვის ბრძოლასთან, - ამის შესახებ "ნაციონალური მოძრაობის" უკვე მოქმედმა თავმჯდომარემ, ლევან ხაბეიშვილმა გამართულ ბრიფინგზე განაცხადა. 

მან გამარჯვება ასევე მიუძღვნა დანარჩენ კანდიდატებს და მოუწოდა, რომ გაერთიანდნენ და  "სერთო მტრის წინააღმდეგ" ერთად იბრძოლონ.

"ეს გამარჯვება ეკუთვნის მიხეილ სააკაშვილს, ვინც ახლა სიცოცხლისთვის იბრძვის. ცხადია, პირველი გადაწყვეტილებებიც დაკავშირებული იქნება პრეზიდენტ სააკაშვილის თავისუფლებისთვის ბრძოლასთან. მიშა, მინდა შეგპირდე, რომ არ გავჩერდებით მანამ, სანამ შენი სიცოცხლე და ჯანმრთელობა არ იქნება უზრუნველყოფილი. ეს გამარჯვება ეკუთვნის ნიკა გვარამიას, რომელმაც თავისი პირადი მაგალითით დაამტკიცა,რომ ჩვენი გატეხვა ამ ბრძოლაში არის შეუძლებელი. და ეს გამარჯვება ეძღვნება ყველა პოლიტპატიმარსა და უკრაინაში მებრძოლებს. ჩვენ უკრაინის გვერდით ვართ მყარად. ეს გამარჯვება ასევე ეკუთვნის ნიკას, ნონას და გიორგის მხარდამჭერებს. მე დღეს გიწვდით მეგობრობთ ხელს და გთავაზობთ, გავერთიანდეთ სერთო მტრის წინააღმდეგ ბრძოლაში. დროა, ხელებია ავიკაპიწოთ და გადავერთოთ მთავარ საქმეზე. ბიძინას კი მის მარიონეტებს მინდა ვუთხრა, რომ მათ თავზე მართლა მოიყარა შავმა ღრუბელმა",- ამბობს ხაბეიშვილი. 

შეგახსენებთ, რომ "ერთიანი ნაციონალური მოძრაობის" ახალი თავმჯდომარე ლევან ხაბეიშვილი გახდა. ხაბეიშვილმა არჩევნებში ხმების 52,58% მიიღო, რითაც თავმჯდომარეობისთვის ბრძოლაში ნიკა მელია, ნონა მამულაშვილი და გიორგი მუმლაძე დაამარცხა.

ავტორი: ექსპრესნიუსი,

სოციალური ქსელები

რატი იონათამიშვილი – ხალხი, ვინც დღეს კრიმინალზე პროპაგანდას ავრცელებს, რეალურად წარმოადგენს წინა ხელისუფლებას, რომლის დროსაც კატასტროფული სიტუაცია იყო

ეკა კუპატაძე – ბრძოლის სერიოზული ეტაპი ჯერ კიდევ გასავლელი გვაქვს, თუმცა მაინც შეიძლება ვთქვათ, რომ სამართალი აღდგა

კახა კახიშვილი - თითქმის მთელი ქვეყნის ელექტროენერგიის გარეშე დარჩენასთან დაკავშირებით განმარტებამ კითხვებზე პასუხების ნაცვლად, მეტი ეჭვი გააჩინა

ევროკავშირის წარმომადგენლობა - მზია ამაღლობელისთვის განაჩენის გამოტანის წლისთავზე, ევროკავშირი დაუყოვნებლივ გათავისუფლებას მოითხოვს