ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში ჯოზეფ ბორელი  მიიჩნევს, რომ უკრაინაში ომმა სტაგნაციის ეტაპს მიაღწია.

მისივე თქმით, ევროპაში კიევში მძიმე ტანკების გადატანის შესახებ საუბარი გრძელდება. 

„მიდის დისკუსია იმის შესახებ, მიეცეს თუ არა უკრაინას იარაღი, რომელიც საშუალებას მისცემს არა მხოლოდ წინააღმდეგობა გაუწიოს რუსეთს, არამედ მათი ფრონტი გაარღვიოს. ნელ-ნელა ამ იარაღის მიწოდების შესახებ გადაწყვეტილებას მივიღებთ“, - თქვა ბორელმა.

ევროკავშირის უმაღლესი წარმომადგენელი მხარს უჭერს ტანკების მიწოდებას, რადგან წინააღმდეგ შემთხვევაში ომი გაგრძელდება. თუმცა, როგორც ბორელმა აღნიშნა, ამ გადაწყვეტილებას ბერლინი ხელს უშლის.

"ეს არის პოლიტიკური გადაწყვეტილება, რომელიც აქამდე არ მიიღეს ძირითადად გერმანიის თავშეკავების გამო. მაგრამ თუ ეს არ იქნა მიღწეული, ომი გაგრძელდება მომავალ გაზაფხულამდე, როდესაც რუსეთი სავარაუდოდ შეეცდება ახალი შეტევის დაწყებას", - დასძინა ბორელმა. .

შეგახსენებთ, რომ 20 იანვარს რამშტეინის საავიაციო ბაზაზე  შეხვედრის შემდეგ გამოცხადდა, რომ გერმანია უკრაინას Leopard 2-ის ტანკებს არ გადასცემდა. გერმანიის თავდაცვის მინისტრმა ბორის პისტორიუსმა განაცხადა, რომ დასავლელმა მოკავშირეებმა  აღნიშნულ საკითხთან დაკავშირებით ერთიანი გადაწყვეტილება ვერ მიიღეს და დასძინა, რომ მისი ქვეყანა არ ბლოკავს ამ გადაწყვეტილებას, ხოლო დისკუსიები გრძელდება.

პოლონეთის პრემიერ-მინისტრმა, მატეუშ მორავიეცკიმ კი განაცხადა, რომ ვარშავას შეუძლია გერმანული წარმოების ტანკების უკრაინაში ბერლინის თანხმობის გარეშე გადაიტანოს. 

ამასთან, უკრაინის პრეზიდენტის, ვოლოდიმირ ზელენსკის თქმით, ევროპის რამდენიმე ქვეყანა მზადაა მიაწოდოს ტანკები უკრაინას, თუმცა ისინი ელოდებიან იმ ქვეყნის ნებართვას, სადაც ეს ტანკები იწარმოება.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს