უკრაინაში, ომის დაწყებიდან ერთ წელზე ნაკლებ დროში, რუსეთმა თითქმის იმდენი ჯარისკაცი დაკარგა, რამდენიც ამერიკის შეერთებულმა შტატებმა რვა წლის განმავლობაში, ვიეტნამში. აღნიშნულ ინფორმაციას უკრაინული მედია ომის შემსწავლელ ინსტიტუტზე (ISW) დაყრდნობით ავრცელებს.

როგორც ISW-ს ანალიტიკოსებმა The Sun-ის ამერიკული დაზვერვის მონაცემებზე დაყრდნობით გამოთვალეს, 20 იანვრის მდგომარეობით, რუსი სამხედროების ჯამური დანაკარგი უკრაინაში 188 000 ადამიანს შეადგენს, რაც ექსპერტების შეფასებით, წელიწადზე ნაკლებ დროში 47 000 რუსის შესაძლო ლიკვიდაციას ნიშნავს. 

„ომში დაჭრილთა და დაღუპულთა ისტორიული თანაფარდობა არის 3:1, რაც იმაზე მეტყველებს, რომ რუსეთის დანაკარგები უკრაინაში ამჟამად ახლოსაა ვიეტნამის ომში აშშ-ის დაღუპულთა საერთო რაოდენობასთან“, - ნათქვამია ინსტიტუტის ანგარიშში.

ანალიტიკოსები ანგარიშში უთითებენ აშშ-ს ეროვნული არქივის მონაცემებს, რომლის თანახმადაც, რვა წლის განმავლობაში, ვიეტნამის ომში დაღუპულთა რიცხვმა, დაახლოებით 58 000-ს მიაღწია.

ექსპერტები ასევე აღნიშნავენ, რომ საბჭოთა კავშირმა ავღანეთში, ცხრაწლიანი ომის განმავლობაში, 15 000 ადამიანი დაკარგა. დიდი ბრიტანეთის თავდაცვის სამინისტროს შეფასებით, აღნიშნული მონაცემების მიხედვით, უკრაინაში რუსეთის დანაკარგებმა 2022 წლის მაისში, სულ რაღაც სამთვიანი საომარი მოქმედებების შემდეგ, ავღანეთში ცხაწლიან ომში დაღუპულთა რაოდენობას გადააჭარბა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს