აშშ-ს სახაზინო დეპარტამენტი რუსულ დაქირავებულ ორგანიზაციას Wagner Group-ს „ტრანსნაციონალურ კრიმინალურ ორგანიზაციად“ აღიარებს და  მომავალ კვირას ფინანსთა სამინისტრო "ვაგნერელებისა" და მისი გლობალური მოკავშირეების წინააღმდეგ ახალ სანქციებსაც დააწესებს. ამის შესახებ თეთრ სახლში გამართულ ბრიფინგზე აშშ-ის ეროვნული უსაფრთხოების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა.

შეერთებულმა შტატებმა გაავრცელა რუსული ვაგონების გასაიდუმლოებული ფოტოები, რომლებიც რუსეთიდან ჩრდილოეთ კორეაში მიემგზავრებოდნენ ჯერ კიდევ ნოემბერში, აშშ თვლის, აღნიშნული ვაგონებით რაკეტების პირველადი მიწოდება დაქირავებული ორგანიზაცია Wagner Group-ის მიერ ხდებოდა.

"ეს ქმედებები აღიარებს ტრანსკონტინენტურ საფრთხეს, რომელსაც ვაგნერი წარმოადგენს,  მათ შორის მისი კრიმინალური აქტივობის მუდმივი ნიმუშით", - განაცხადა კირბიმ.

კირბიმ ასევე აღნიშნა, რომ მიუხედავად იმისა, რომ აშშ-ს არ სჯერა, რომ აღჭურვილობამ შეცვალა ბრძოლის ველის დინამიკა უკრაინაში, აშშ მოელის, რომ ასეთი ტიპის იარაღის სისტემების მიწოდება ჩრდილოეთ კორეიდან რუსეთში გაგრძელდება. 

„ჩრდილოეთ კორეიდან იარაღის გადაცემა პირდაპირ არღვევს გაეროს უშიშროების საბჭოს რეზოლუციას“,- დასძინა კირბმა.

ავტორი: ექსპრესნიუსი,

სოციალური ქსელები

გენერალმა ზალუჟნიმ თავი ნატოს მხარდამჭერად მოიხსენია, თუმცა ალიანსში ცვლილებების საჭიროებაზე მიუთითა

ნავთობგადამამუშავებელ ქარხანაზე განხორციელებულმა დარტყმებმა რუსეთის ბიუჯეტს 1.2 ტრილიონი რუბლის ზარალი მოუტანა

გიგა ავალიანის საქმეზე ანასტასია ბერუაშვილსაც აკავებენ

გიგა ავალიანის საქმის ერთ-ერთი ფიგურანტი ნია იმნაძე დააკავეს