ევროპარლამენტმა მხარი დაუჭირა არასავალდებულო რეზოლუციას, რომელიც მოითხოვს სპეციალური საერთაშორისო ტრიბუნალის შექმნას რუსეთისა და ბელარუსის პრეზიდენტების გასასამართლებლად. 

რეზოლუციას მხარი 472-მა დეპუტატმა დაუჭირა, წინააღმდეგი იყო 19, ხოლო 33-მა თავი შეიკავა.

ევროპარლამენტი თვლის, რომ სპეციალური ტრიბუნალის შექმნა შეავსებს დიდ ხარვეზს საერთაშორისო სისხლის სამართლის ინსტიტუციურ სტრუქტურაში და უნდა ეფუძნებოდეს იმ სტანდარტებსა და პრინციპებს, რომლებიც ეხება სისხლის სამართლის საერთაშორისო სასამართლოს.

დეპუტატებმა რეზოლუციაში ხაზგასმით აღნიშნეს, რომ სპეციალურმა ტრიბუნალმა პასუხისგებაში უნდა მისცეს არა მხოლოდ რუსეთის პრეზიდენტი ვლადიმერ პუტინი, არამედ ბელარუსის თვითგამოცხადებული პრეზიდენტი ალექსანდრე ლუკაშენკო, მის ხელმძღვანელობასთან ერთად. 

ევროპარლამენტარებმა აღნიშნეს, რომ ევროკავშირის მოსამზადებელი სამუშაოები ad hoc ტრიბუნალზე "დაუყოვნებლად უნდა დაიწყოს" და უკრაინასთან თანამშრომლობით ფოკუსირება მოახდინოს დროებითი ტრიბუნალის მექანიზმების შექმნაზე. 

ევროპარლამენტარებმა ევროკავშირის ინსტიტუტებს მოუწოდეს, განსაკუთრებით ევროკომისიას და ევროპის საგარეო სამოქმედო სამსახურს, ხელი შეუწყონ დროებითი პროკურატურის შექმნას. მათ მიაჩნიათ, რომ ამ სამსახურის შექმნა იქნება ძალიან მნიშვნელოვანი პრაქტიკული ნაბიჯი უკრაინის წინააღმდეგ აგრესიის დანაშაულის გამოძიებასა და დევნაში.

ევროკომისია ასევე განიხილავს საერთაშორისო პროკურატურის შექმნის შესაძლებლობას, რომელიც გამოიძიებს რუსეთის აგრესიის დანაშაულს უკრაინის წინააღმდეგ. 

რეზოლუციის ცალკე პუნქტი ეძღვნება რუსეთის სახელმწიფოს სუვერენული აქტივების გამოყენებას უკრაინაში რუსეთის მიერ საერთაშორისო სამართლის დარღვევის კომპენსაციის მიზნით. 

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა