რუსეთის ფედერაციის პრეზიდენტმა, ვლადიმერ პუტინმა, შესაძლოა, დღეს მობილიზაციის ახალი ტალღა გამოაცხადოს, - აღნიშნულის შესახებ ინფორმაციას ომის შესწავლის ინსტიტუტი (ISW) ავრცელებს.

ანალიტიკოსების თქმით, ასევე შესაძლოა, პუტინმა ნაცისტური ბლოკადის დარღვევის 80 წლისთავზე, უკრაინას ოფიციალურად ომი გამოუცხადოს.

"პუტინმა, შესაძლოა, გამოაცხადოს მობილიზაციის მეორე ტალღა თავისი არმიის გაფართოების მიზნით უახლოეს დღეებში - შესაძლოა, უკვე 18 იანვარს.

კრემლის სპიკერმა, დიმიტრი პესკოვმა 17 იანვარს განაცხადა, რომ პუტინი სიტყვით გამოვა 18 იანვარს სანქტ-პეტერბურგში ნაცისტური ბლოკადის დარღვევის 80 წლისთავზე. 

მას მოსწონს სიმბოლური თარიღების გამოყენება რუსი ხალხისადმი მიმართვისთვის. გამორიცხული არაა, რომ ის გამოიყენებს ამ შესაძლებლობას, გამოაცხადოს მობილიზაცია ან ომი უკრაინასთან“,- აღნიშნავენ ISW-ში.

ანალიტიკოსების თქმითვე, დასავლურმა სადაზვერვო სააგენტოებმა არაერთხელ გააფრთხილეს უკრაინა, რომ პუტინს იანვრის შუა რიცხვებში მობილიზაციის ახალი ტალღისთვის ემზადება.

შეგახსენებთ, რუსეთში ნაწილობრივი სამხედრო მობილიზაცია 21 სექტემბერს დაიწყო და ოქტობერში დასრულდა. როგორც თავდაცვის მინისტრმა, სერგეი შოიგუმ მაშინ თქვა, აღნიშნულის ფარგლებში, 300 000 ადამიანის მობილიზება მოხდა.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა