2022-12-08 14:58:44, 1454 ნახვა

---

ბოკერია - უკრაინაში წასული მეომრებისთვის მოქალაქეობის ჩამორთმევაზე დისკუსიაც კი, ივანიშვილის რეჟიმის განაჩენია

უკრაინაში წასული მეომრებისთვის მოქალაეობის ჩამორთმევაზე დისკუსიაც კი, ივანიშვილის რეჟიმის განაჩენია, - ამის შესახებ "ევროპული საქართველოს" ლიდერმა, გიგა ბოკერიამ განაცხადა.

ბოკერიას თქმით, უცნობია, "ქართული ოცნება" რეალურად გადადგამს თუ არა ამ ნაბიჯს.

„მე არ ვიცი და არ მგონია, ვინმემ ზუსტად იცოდეს, ამ ნაბიჯს გადადგამს თუ არა ივანიშვილის რეჟიმი, რომ რეალურად ჩამოართვას მოქალაქეობა ადამიანებს, ვინც მაგალითს აძლევს ყველას, საკუთარი რწმენის, საქართველოს ინტერესებისა და თავისუფლების დასაცავად სიცოცხლის რისკზე წასვლით, მაგრამ თავისთავად ისიც კი, რომ ამაზე დისკუსია არსებობს და რომ ამ რეჟიმის ერთ-ერთი სპიკერი, პოლიტიკური არარაობა, ამ თემაზე პროაქტიულად საუბრობს, ეს უკვე განაჩენია იმ მრავალ განაჩენთან ერთად, რომელიც ივანიშვილის რეჟიმმა ჩვენ ქვეყანას გამოუტანა იმ სირცხვილით და ღალატით, რისი მოწმეებიც ვართ, შეიძლება ითქვას უკვე წლებია, მაგრამ განსაკუთრებით ბოლო თვეებია, რაც უკრაინაში აქტიური ფაზა დაიწყო ბოროტების იმპერიის კამპანიისა“, - ამბობს ბოკერია. 

ცნობისთვის, "ქართული ოცნების" აღმასრულებელმა მდივანმა, მამუკა მდინარაძემ განაცხადა, რომ შესაძლოა, უკრაინაში წასულ მეომრებს საქართველოს კანონმდებლობის საფუძველზე საქართველოს მოქალაქეობა ჩამოერთვათ. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი