ნებისმიერი აქტივობა, რომელიც მიხეილ სააკაშვილის პოლიტიკაში ჩართულობას ემსახურება, მისთვის არის მიუღებელი,- ამის შესახებ "ნაციონალური მოძრაობის" წევრმა, ეკა ხერხეულიძემ ექსპრეზიდენტის მონახულების შემდეგ განაცხადა. 

მისი თქმით, მიხეილ სააკაშვილი სთხოვს ყველას, რომ უგულშემატკივრონ მის ჯანმრთელობის მდგომარეობას და არა პოლიტიკაში ჩართულობას. 

"მიხეილ სააკაშვილის პოზიცია, განსაკუთრებით მას შემდეგ, რაც მისი ჯანმრთელობის მდგომარეობა დამძიმდა, არის ერთმნიშვნელოვანი და მან ამის შესახებ ადვოკატების მეშვეობით გვითხრა, რომ მიხეილ სააკაშვილს სურს პოლიტიკიდან დისტანცირება და აუცილებელია ყველა ვინც მას გულშემატკივრობს, უგულშემატკივროს მისი ჯანმრთელობის მდგომარეობას და სამკურნალოდ გაყვანას. ნებისმიერი აქტივობა, რომელიც მოემსახურება მიხეილ სააკაშვილის პოლიტიკაში ჩართულობას და დაკავშირებას, ნებისმიერი ასეთი მცდელობა მიხეილ სააკაშვილისთვის არის მიუღებელი, ის სთხოვს ყველა გულშემატკივარს, უგულშემატკივროს მის ჯანმრთელობის მდგომარეობას და არა მის პოლიტიკაში ჩართულობას,"- განაცხადა ხერხეულიძემ. 

შეგახსენებთ, რომ 3 დეკემბერს, 15:00 საათზე მიხეილ სააკაშვილის უცხოეთის კლინიკაში გადაყვანის მოთხოვნით,  "ქართული ოცნების" ოფისთან აქცია გაიმართება, რომელიც "ნაციონალური მოძრაობის" წევრმა, ლევან ხაბეიშვილმა დააანონსა. 

ავტორი: ექსპრესნიუსი,

სოციალური ქსელები

ბოკუჩავა - დავრჩები პოლიტსაბჭოში რიგით წევრად

კირცხალია – ქალბატონების ჭიდილი უკვე ლამაზ სანახაობად გადაიქცა, ქალბატონი ნანას და ბრწყინვალე თინას ჭიდილი მიხეილ სააკაშვილის კარზე

რუმინეთის საგარეო - რუმინეთი საქართველოს სუვერენიტეტის, ტერიტორიული მთლიანობისა და მისი ევროკავშირისკენ გზის მიმართ სრულად ერთგული რჩება

კობახიძე - ჩვენ ვინარჩუნებთ ეკონომიკური ზრდის მაღალ ტემპს