ადამიანი არის რაღაც არაადეკვატურობა, - „ქართული ოცნების" დეპუტატი ირაკლი ზარქუა პრეზიდენტ სალომე ზურაბიშვილს ექსპრეზიდენტის შესახებ გაკეთებული განცხადებების გამო აკრიტიკებს. 

ზარქუა თვლის, რომ სალომე ზურაბიშვილს აქვს მცდელობა, რომ „ნაციონალური მოძრაობის" ნარატივში ჩაჯდეს და არ გამორიცხავს, რომ მიხეილ სააკაშვილი შეიწყალოს. 

"ბოლო დროს განსაკუთრებით ისეთ განცხადებებს აკეთებს ქალბატონი სალომე, მცდელობა აქვს რომ „ნაცების“ ნარატივში ჩაჯდეს. ადამიანი არის რაღაც არაადეკვატურობა, მეტი არაფერი. მიუხედავად იმისა, რომ მან თქვა არა და არასდროს, მე არ გამოვრიცხავ, ბოლო დროს ისეთ განცხადებებს აკეთებს, რას იზამს. ქალბატონ სალომეს მართებს რომ ინსტიტუცია დაიცვას და როდესაც ასე შეურაცხყოფენ ამის შემდეგ ამ ჯგუფიდან, ვისგანაც ასეთი ნიაღვარი მოდიოდა მისი პიროვნების მიმართ, მერე ადგე და შეიწყალო მათი ბელადი - მე არ ვიცი",- განაცხადა ზარქუამ. 

შეგახსენებთ, რომ გუშინ, 24 ნოემბერს საქართველოს პრეზიდენტმა დუმილი დაარღვია და მიხეილ სააკაშვილის ჯანმრთელობის მდგომარეობაზე კომენტარი გააკეთა.  სალომე ზურაბიშვილის განცხადებით, თუ დასკვნით დადასტურდა, რომ მესამე პრეზიდენტის ჯანმრთელობა დაზიანებულია, მისი საზღვარგარეთ გადაყვანის გადაწყვეტილება სასამართლომ უნდა მიიღოს. 

პრეზიდენტის მხრიდან მიხეილ სააკაშვილის შესაძლო შეწყალებასთან დაკავშირებით ვარაუდი მას შემდეგ დაიწყო, რაც სალომე ზურაბიშვილმა BBC-ის გადაცემა „ჰარდთოქში“ განაცხადა, რომ კანონის თანახმად, შეწყალება შეიძლება მხოლოდ მას შემდეგ, რაც "ყველაფერი დასრულდება, სააკაშვილს კი კვლავ ასამართლებენ". 

ავტორი: ექსპრესნიუსი,

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო