„ვარდების რევოლუციიდან“ 19 წელი გავიდა. აქტვისტები, მიხეილ სააკაშვილის განთავისუფლებისა და რუსული რეჟიმის დასრულების მოთხოვნით, თბილისსა და ბათუმში აქციას გამართავენ. 

აქციის ორგანიზატორი „მიხეილ სააკაშვილის თავისუფლების საზოგადოებრივი კომიტეტია". სოციალურ მედიაში გამოქვეყნებული ინფორმაციის თანახმად, ისინი თბილისში პარლამენტის წინ და ბათუმში ერას მოედანზე შეიკრიბებიან. 

"გამოდით ყველა ვინც თვლით რომ ამ დღეს დაიწყო საქართველოში თანამედროვე სახელმწიფოს მშენებლობა და განვითარება."ჩვენ აუცილებლად ვაიძულებთ ამ რეჟიმს გაანთავისუფლოს მიხეილ სააკაშვილი და ყველა პოლიტპატიმარი იმიტომ რომ შევებრძოლებით მას ცივი გონებით, ერთობით, ახალი მიდგომებით, ორგანიზებულობით, გამძლეობით, თანამედროვე ტექნოლოგიებით და რაც მთავარია ჩვენი ქვეყნის სიყვარულით",- წერია „მიხეილ სააკაშვილის თავისუფლების საზოგადოებრივი კომიტეტის" განცხადებაში. 

ცნობისთვის, 2003 წლის 23 ნოემბერს, თითქმის ერთთვიანი, უწყვეტი საპროტესტო გამოსვლების შემდეგ პრეზიდენტი ედუარდ შევარდნაძე გადადგა, მისი ადგილი კი დროებით, პარლამენტის მაშინდელმა თავმჯდომარე ნინო ბურჯანაძემ დაიკავა. საქართველოს უახლოეს ისტორიაში „ვარდების რევოლუციის“ სახელით შესულ ამ მოვლენას ბიძგი მისცა 2003 წლის 2 ნოემბრის საპარლამენტო არჩევნების მასშტაბურმა გაყალბებამ.

ავტორი: ექსპრესნიუსი,

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო