ეგენი როგორი კონკურენტები არიან, ყველანი ერთად, ეტყობა დღევანდელ სიტუაციას. მე არ ვიცი ვინ გადაწყვიტა „ნაცმოძრაობის“ შიგნით თავად ამ პარტიული ორგანიზაციის გამასხარავება, თორემ სხვანაირად ასეთი შიდა კონკურენცია ვერ იქნებოდა - ასე უპასუხა ფრაქცია „ქართული ოცნების“ თავმჯდომარემ, მამუკა მდინარაძემ დასმულ კითხვას, ვინ უფრო ძლიერი კონკურენტია „ქართული ოცნებისთვის“, ნიკა მელია თუ ლევან ხაბეიშვილი. 

როგორც მდინარაძემ აღნიშნა, „ნაციონალური მოძრაობა“, როგორც პოლიტიკური ორგანიზაცია არ არსებობს, ის არის მედია პროდუქტი.

„ბოლო სამი დღეა ვიძახი და პასუხს ვაგებ ამ სიტყვებზე, რომ „ნაცმოძრაობა“, როგორც პოლიტიკური ორგანიზაცია არ არსებობს, ის არის მედია პროდუქტი. ერთი თვის განმავლობაში „ნაცმოძრაობა“ არც ერთმა ტელევიზიამ რომ არ ახსენოს, გარანტიას გაძლევთ, ეს ორგანიზაცია პრაქტიკულად აღარ იარსებებს“ - განაცხადა მამუკა მდინარაძემ. 

აქვე მან მედიის მისამართით აღნიშნა, რომ ბევრად მნიშვნელოვანი საკითხები განიხილება საქართველოს პარლამენტში, რასაც ტელევიზიები არ აშუქებენ. 

„ყველა მედია საშუალებებთან გვაქვს პრეტენზია, რომ კულისებში, საქართველოს პარლამენტის დარბაზში იმდენი რამ ხდება, რასაც არ აშუქებთ. შეიძლება დრო არ რჩება ამისთვის, მაგრამ თუ ამ რადიკალიზაციას თავს დაანებებთ, იმდენი ამბავია გასაშუქებელი მთელი ამ დღეების განმავლობაში, რაც თითოეულ მოქალაქეზე პოზიტიურად აისახება, რომ ვერ აუხვალთ ამის გაშუქებას. უბრალოდ სხვა დღის წესრიგით და ერთმანეთის კრიტიკით ვართ დაკავებული და ამ დროს დღეში გადის მინიმუმ 30-მდე კანონპროექტი, რომელზეც სათითაოდ შეგიძლიათ მის პოზიტიურ მხარეებზე ისაუბროთ, რა პოზიტიური შედეგი მოაქვს საზოგადოებისთვის ამ ყველაფერს, უბრალოდ არ აშუქებთ ამას. ამიტომ, ვერ დაიკარგება მედია სივრციდან „ქართული ოცნება“ და დაიკარგება ის ორგანიზაცია,  რომელი ორგანიზაციაც ხელოვნურად იკვებება“- განაცხადა მამუკა მდინარაძემ

ავტორი: NS (სტატია დაფინანსებულია),

სოციალური ქსელები

პენტაგონის ხელმძღვანელი უარყოფს, რომ აშშ-ს რაკეტების მარაგი ამოეწურა

"ყაზბეგის" საზღვარზე ₾143 817-ის ოქროს ზოდების უკანონოდ შემოიტანეს - დაკავებულია რუსეთის მოქალაქე

ოკუპირებულ ტერიტორიებზე მცხოვრები აბიტურიენტები სახელმწიფო უნივერისტეტებში სრულად დაფინანსდებიან - სამინისტრო

წინასწარი შეთანხმებით ჯგუფის მიერ სხვისი ფულადი თანხების თაღლითურად დაუფლების ფაქტზე საქართველოსა და ნიგერიის მოქალაქეები დააკავა