ეკონომიკისა და მდგრადი განვითარების მინისტრის მოადგილემ, გურამ გურამიშვილმა ევროკომისიის მიერ ორგანიზებულ EU4Digital პროგრამის აღმოსავლეთ პარტნიორობის ქვეყნების ციფრული კონფერენციის მაღალი დონის პანელში მიიღო მონაწილეობა, რომელიც კრიზისის დროს ციფრული ტრანსფორმაციის საკითხებს მიეძღვნა.
 
თავის გამოსვლაში, მინისტრის მოადგილემ ყურადღება გაამახვილა დიგიტალიზაციის როლზე ეკონომიკური ზრდის სტიმულირებასა და საზოგადოების კეთილდღეობის უზრუნველყოფაში. მისი თქმით, საქართველო, ევროკავშირის მხარდაჭერით, აქტიურად ახორციელებს რეფორმებს, რომლებიც მიმართულია სექტორული ეკონომიკის სტრატეგიებსა და პროგრამებში  ციფრული ტრანსფორმაციის საკითხების ინტეგრირებაზე. მან ხაზი გაუსვა ევროკავშირის როლს ქვეყანაში ციფრული ეკონომიკისა და საინფორმაციო საზოგადოების განვითარების მიმართულებით, რაც, საბოლოოდ, საქართველოს ციფრული ბაზრის ევროკავშირის ერთიან ციფრულ ბაზართან ინტეგრაციას  უზრუნველყოფს.  
 
მინისტრის მოადგილემ ასევე გაამახვილა ყურადღება ევროკავშირის ეკონომიკურ და საინვესტიციო გეგმაში საქართველოსთვის განსაზღვრულ  ფლაგმან ინიციატივებზე, კერძოდ, შავი ზღვის რეგიონში საერთაშორისო ციფრული კავშირის განვითარების და ადგილობრივი ინტერნეტ ინფრასტრუქტურის განვითარების საკითხებზე.

ავტორი: NS (სტატია დაფინანსებულია),

სოციალური ქსელები

2026 წლის მსოფლიო ჩემპიონატის სკანდალი: როგორ გააუქმა ტრამპმა წითელი ბარათი

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა