ორშაბათს დილის 9 საათიდან ვიქნებით აქ და კალაძე აუცილებლად გადადგება. - ამის შესახებ სამოქალაქო აქტივისტებმა ერთობლივ განცხადებაში ისაუბრეს.

მათივე თქმით, ყველა ადამიანი სათანადოდ უნდა დაისაჯოს ვისი პასუხისმგებლობახ არსებობს.

"პირველ რიგში, მწუხარებას გამოვხატავთ დაღუპული ბავშვის გამო. საშინელება მოხდა. იმდენად საშინელება მოხდა, რომ სიტყვებიც ძალიან რთულია, იპოვო ამ სიტუაციაში. მაგრამ სხვა გზა არ გვაქვს, დღეს აქ გამოვედით რომ დავაანონსოთ, რომ ორშაბათს დილის 9 საათიდან ვიქნებით აქ, მერიის მთავარ შესასვლელთან, რათა გავაპსოტესტოთ ეს უმსგავსობა რათა მივუთითოთ და მოვთხოვოთ მერს და მერიის კონკრეტულ თანამშრომლებს, რომ აიღონ საკუთარ თავზე პოლიტიკური პასუხისმგებლობა და თქვან, რომ დამნაშავეები არიან თვითონ. 
არ შეიძლება ასეთი რაღაცებით ვიღაცა მანიპულირებდეს. ამბობდეს, რომ მშობლის ბრალია, რომ ბავშვი სადღაც ჩავიდა შადრევანში და დენმა დაარტყა. როგორ შეიძლება, შადრევანი კლავდეს ბავშვებს. საშინელებაა, ძალიან საშინელი ტრაგედია მოხდა. კალაძემაც როგორი რაღაც თქვა, თუ ჩემი ბრალეულობა დადგინდება, მზად ვარ პასუხი ვაგო. თუ რას ნიშნავს, ვერ იაზრებს, რომ პასუხისმგებლობა უნდა დადგეს? თავის დანაშაულს ვერ ხედავს ამ პროცესებში? თუ ვერ ხედავს, ჩვენ აუცილებლად დავანახებთ. კალაძე აუცილებლად გადადგება. ვინც არის მანდ მონაწილე, ეგენიც აუცილებლად დაისჯებიან. 
ორშაბათს შევიკრიბებით დილიდან აქ და აუცილებლად გავაგრძელებთ პროტესტს". - ნათქვამია განცხადებაში.

შეგახსენებთ, რომ გუშინ, ახლად გახსნილ ვაკის პარკის მრგვალ შადრევანში სკოლის 3 მოსწავლე ჩავარდა. როგორც თვითმხილველები ჰყვებიან, მერვე კლასელ გოგონას თამაშის დროს ბურთი შადრევანში ჩაუვარდა, რომლის ამოღების მცდელობისას, დენმა დაარტყა. ექიმების მისვლამდე მის გადასარჩენად ორი თანატოლი ბიჭი ეცადა. ექიმებმა 13 წლის გოგონას გადარჩენა ვერ შეძლეს.

ავტორი: ექსპრესნიუსი,

სოციალური ქსელები

ივანიშვილის მთავრობამ განსაზღვრა ვინ მიიღებს უფასოდ სასკოლო ფორმას

საქართველოს ბანკის მობილბანკში ჩატბოტთან ხმოვანი შეტყობინების გაგზავნაა შესაძლებელი

საქართველოს ბანკის "მცირე ბიზნესის ჯაჭვში" უკვე 30 ბიზნესი ჩაერთო

BOG-ის ESG და მდგრადობის ხელმძღვანელმა, ანა ოსაძემ Partnership 4SDGs ფორუმზე ისაუბრა