გადატვირთულ მოძრაობასთან ერთად, ინფრასტრუქტურული პროექტებიც მიმდინარეობს, ახალი გზები იგება, კომუნიკაციები იცვლება. ბუნებრივია, ეს მეტ გამოწვევას ქმნის დედაქალაქისთვის, – ამის შესახებ საპარლამენტო უმრავლესობის წევრმა, ირაკლი ზარქუამ ბიუროს დღევანდელ სხდომაზე ფრიდონ ინჯიასგანცხადების საპასუხოდ აღნიშნა.

ზარქუას თქმით, გამოწვევა ნამდვილად არის და ამასთან დაკავშირებით მერია აქტიურად მუშაობს.

„ბატონო ფრიდონ, მესმის თქვენი შეშფოთება. ეს გამოწვევაა დედაქალაქისთვის, სწორედ ამასთან დაკავშირებით ბატონ მერს ჰქონდა ბრიფინგი, სადაც კიდევ ერთხელ ხაზი გაუსვა და ამბობს, რომ დიახ, ეს გამოწვევაა, ბევრი მანქანა გამოწვევაა ჩვენს დედაქალაქში, მათ შორის ბევრი არის, რომელიც არ შეესაბამება სტანდარტებს. ამიტომაც, არის ქალბატონი მაია ბითაძის ხელმძღვანელობით ჯგუფი შექმნილი. გადატვირთულ მოძრაობასთან ერთად, ინფრასტრუქტურული პროექტებიც მიმდინარეობს, ახალი გზები იგება, კომუნიკაციები იცვლება, ბუნებრივია, ეს კიდევ უფრო მეტ გამოწვევას და პრობლემას ქმნის ჩვენი დედაქალაქის მოსახლეობისთვის. რაც შეეხება დაგეგმარებას, აქ არ არის მხოლოდ კახი კალაძის, ურბანული სამსახურის ან სატრანსპორტოს საკითხი, აქ არის ჩართული ფრანგული კომპანია „სისტრა“, რომელიც მსოფლიოში აღიარებულია. მათი რეკომენდაციით, მათი ჩართულობით ხდება ამ სატრანსპორტო ნაკადების მართვა. გამოწვევა ნამდვილად არის და ამასთან დაკავშირებით ბატონი მერიც და მთელი მერია მუშაობს“, – განაცხადა ზარქუამ.

„ევროპელი სოციალისტების“ წევრმა, ფრიდონ ინჯიამ პარლამენტის ბიუროს სხდომაზე განაცხადა, რომ ქალაქში გადაადგილება შეუძლებელი გახდა.

„რაღაც უნდა ვიფიქროთ, რაღაც უნდა გავაკეთოთ. ან წყვილ დღეებში წყვილციფრიანი ნომრებით მანქანამ იმოძრაოს. ამის ირგვლივ არაფერი კეთდება. ვაყენებთ „სვეტაფორებს“ და ეს „სვეტაფორები“ მუშაობს მთელი ღამის განმავლობაში. გავამახვილოთ ყურადღება და რაღაც ჯგუფი შეიქმნას, რომელიც გააკეთებს ოპტიმიზაციას, სადაც ჩაერთვებიან ის ადამიანები, რომლებმაც იციან ტრანსპორტის მოძრაობის საკითხები, ეკოლოგია და ქალაქის დაგეგმარება. თუ რაღაც არ მოვიფიქრეთ, უმძიმეს მდგომარეობაში აღმოვჩნდებით“, – აღნიშნა ინჯიამ.

ავტორი: NS (სტატია დაფინანსებულია),

სოციალური ქსელები

ქარელის და მასრნერულის საბავშვო ბაღებში ბავშვებს საქონლის ხორცის ნაცვლად ცხენის ხორცს აჭმევდნენ

ქართველმა და ესპანელმა სამართალდამცველებმა ქალაქ ვალენსიაში ქართული ორგანიზებული დანაშაულებრივი ჯგუფის წევრები დააკავეს

არქიმანდრიტი დოროთე - შიო მესამეს თავისი დარღვეული სწავლება სისრულეში მოჰყავს

ნარმანია: წინასწარი შეფასებით, II სისტემური ავარიის მიზეზი იმერეთის ხაზზე ავარია იყო