რუსეთის პრეზიდენტმა, ვლადიმერ პუტინმა ხერსონისა და ზაპოროჟიეს რეგიონების დამოუკიდებლობა აღიარა,- აღნიშნულის შესახებ ინფორმაციას რუსული მედია ავრცელებს.

მედიის ცნობით, პუტინმა ხელი მოაწერა განკარგულებებს ხერსონისა და ზაპოროჟიის რეგიონების დამოუკიდებელ ტერიტორიებად აღიარების შესახებ, რომელიც კრემლის ვებგვერდზეა გამოქვეყბნებული.

„საერთაშორისო სამართლის საყოველთაოდ მიღებული პრინციპებისა და ნორმების შესაბამისად, ვაღიარებ და ვადასტურებ რა ხალხთა თანაბარი უფლებებისა და თვითგამორკვევის პრინციპს, რომელიც გათვალისწინებულია გაერთიანებული ერების ორგანიზაციის წესდებაში, ხერსონის რეგიონის ხალხის მიერ რეფერენდუმზე გამოხატული ნების გათვალისწინებით, რომელიც გაიმართა 2022 წლის 27 სექტემბერს, ვადგენ: აღიარებულ იქნას ხერსონის ოლქის სუვერენიტეტი და დამოუკიდებლობა",- აღნიშნულია დოკუკენტში,

აღსანიშნავია, რომ ჯერჯერობით, მსოფლიოს არცერთ ქვეყანას არ გამოუცხადებია უკრაინის რეგიონების ანექსიის აღიარების განზრახვა. 

შეგახსენებთ, რომ დღეს რუსეთის პრეზიდენტი, ვლადიმირ პუტინი უკრაინის ოთხი ოკუპირებული რეგიონის ანექსიის შესახებ განკარგულებას მოაწერს ხელს.

როგორც, რუსეთის ფედერაციის პრეზიდენტის პრესმდივანმა, დიმიტრი პესკოვმა განაცხადა, კრემლი ანექსიას დღეს 15:00 საათზე გამოაცხადებს.

ამასთან, მოწვეული იქნება ასევე რუსეთის ფედერაციის უშიშროების საბჭოს ოპერატიული სხდომაც.

ცნობისთვის, 23 სექტემბერს რუსეთმა უკრაინის 4 ოლქში: დონეცკში, ლუგანსკში, ხერსონსა და ზაპოროჟიეში "რეფერენდუმები" ჩაატარა, რომელთა "შედეგებით" ამ ოლქების რუსეთის ფედერაციასთან შეერთება "გადაწყდა".

აღსანიშნავია ასევე, რომ პუტინს უკვე აღიარებული აქვს ე.წ. დონეცკისა და ლუგანსკის სახალხო რესპუბლიკების "დამოუკიდებლობა".

ავტორი: ექსპრესნიუსი,

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ