ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ზურაბ აზარაშვილი ისრაელის ჯანდაცვის მინისტრ ნიცან ჰოროვიცს შეხვდა.

მხარეებმა, ქვეყნებს შორის ჯანდაცვის სფეროში არსებულ თანამშრომლობაზე ისაუბრეს. ხაზი გაესვა საქართველოში ძლიერი საგანმანათლებლო პლატფორმის შექმნის აუცილებლობას, რაც საზოგადოებრივი ჯანდაცვის სპეციალისტების კომპეტენციისა და მოტივაციის ამაღლებას, ასევე, კარიერულ განვითარებას შეუწყობს ხელს.

მხარეებმა, სამედიცინო განათლების კუთხით თანამშრომლობის გაღრმავებაზე ისაუბრეს. ზურაბ აზარაშვილმა ექიმების კვალიფიკაციის ამაღლების მიზნით, რესერტიფიცირების მნიშვნელობაზე გაამახვილა ყურადღება. ისრაელის ჯანდაცვის მინისტრმა ქართველ კოლეგას თავისი ქვეყნის გამოცდილება გაუზიარა.

საქართველოსა და ისრაელის ჯანდაცვის მინისტრების შეხვედრა თელავივში, ჯანმრთელობის მსოფლიო ორგანიზაციის ევროპის რეგიონული კომიტეტის სხდომის ფარგლებში გაიმართა. შეხვედრას ჯანდაცვის მინისტრის პირველი მოადგილე თამარ გაბუნია და ისრაელის სახელმწიფოში საქართველოს საგანგებო და სრულუფლებიანმა ელჩი, ლაშა ჟვანია ესწრებოდნენ.

ავტორი: NS (სტატია დაფინანსებულია),

სოციალური ქსელები

კობახიძე – როგორც ჩანს, საქართველოს მოქალაქე „უსამშობლოებს“ ქვეყანაზე მეტად უკრაინაზე შესტკივათ გული

Tegeta Motors Baku-მ ბაქოში Bridgestone-ის კონცეპტმაღაზია გახსნა

კობახიძე – აგვისტოს ომი „ნაციონალური მოძრაობის“ რეჟიმისა და მისი მიმდევრებისთვის 2008-2012 წლებში არ იქცა საკმარის საფუძვლად რუსეთის მიმართ რადიკალური განწყობის ჩამოსაყალიბებლად

კობახიძე – საინტერესოა, რატომ არ ჰქონდა აგენტურას დავალებული რუსოფობობა 2008 წლის აგვისტოს ომის შემდეგ და რატომ დაევალათ ახლა