2022-06-23 16:21:39, 844 ნახვა

---

ჯონსონი - რუსეთის აგრესია უკრაინის ომში მომდევნო რამდენიმე თვეში შენელდება, რადგან მისი არმია ამოწურავს საკუთარ რესურსებს

რუსეთის აგრესია უკრაინის ომში მომდევნო რამდენიმე თვეში შენელდება, რადგან მისი არმია ამოწურავს მის რესურსებს. - განაცხადა ბრიტანეთის პრემიერ-მინისტრმა ბორის ჯონსონმა.

მისივე თქმით, პრეზიდენტი ვლადიმერ პუტინის ძალები წინ მიიწევენ აღმოსავლეთ დონბასის რეგიონში, თუმცა ეს ყველაფერი მათ ცოცხალი ძალისა და ტექნიკის სერიოზული დანაკარგის საფუძველზე უწევთ. 

„ჩვენი თავდაცვის სადაზვერვო სამსახური კი თვლის, რომ მომდევნო რამდენიმე თვეში რუსეთი შეიძლება მივიდეს იმ მომენტამდე, როდესაც წინსვლა აღარ იქნება, რადგან ის ამოწურავს საკუთარ რესურსებს“. - ნათქვამია განცხადებაში.

შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი