გერმანიამ უფრო მეტი უნდა იმუშაოს რუსეთზე ენერგეტიკული დამოკიდებულების შესამცირებლად,- ამის შესახებ გერმანიის ეკონომიკის მინისტრმა რობერტ ჰაბეკმა განაცხადა.

ჰაბეკის თქმით, დასავლეთის სანქციები მოსკოვის უკრაინაში შეჭრის საპასუხოდ კვლავ მძიმე ზარალს აყენებს „რუსეთის სამხედრო მანქანას“,ამასთან „რუსეთის ეკონომიკა იშლება”, რაშიც გერმანიამ თავისი როლი ითამაშა. მარტში რუსეთში ექსპორტის 60%-ით შემცირებით.

„პუტინი კვლავ იღებს ფულს, მაგრამ დრო არ მუშაობს რუსეთისთვის, ის მუშაობს რუსეთის წინააღმდეგ“, - განაცხადა ჰაბეკმა.

გარდ ამისა, სანქციებში მონაწილე მოკავშირე ქვეყნების ექსპორტი წინა თვეებთან შედარებით 53%-ით შემცირდა, ხოლო ნეიტრალურ ან პრორუსულ სახელმწიფოებს შორის ვარდნა 45%-ით იყო. სანქციების შედეგად მოსკოვმა დაკარგა წვდომა იმ ნაწილებზე, რომლებიც გადამწყვეტი იყო მისი ბრძოლის უნარისთვის.

შეგახსენებთ, რომ  24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

ავტორი: ექსპრესნიუსი,

სოციალური ქსელები

პენიტენციურის უფროსი: პროცესი, რაც მიმდინარეობს, უკვე აბსურდის თეატრს ემსგავსება

მედვედევი: NATO-მ ტარანად გამოიყენა საქართველო, უკრაინა, იგივე ხდება მოლდოვაში, სომხეთში

Reuters: უკრაინის თავდასხმის შედეგად, მოსკოვის ნავთობქარხანა წელს ვეღარ იმუშავებს

Rádio Caracol: ვენესუელაში მიწისძვრამ უზარმაზარი ზიანი მიაყენა