გარემოს დაცვისა და სოფლის მეურნეობის სამინისტროს ინიციატივით, პროექტი „საქართველოს წითელი ნუსხის განახლება“ მიმდინარეობს.

გარემოს დაცვისა და სოფლის მეურნეობის სამინისტროს ინფორმაციით, პროექტი ილიას სახელმწიფო უნივერსიტეტთან და გერმანიის საერთაშორისო თანამშრომლობის საზოგადოებასთან (GIZ) თანამშრომლობით, გერმანიის მთავრობის ფინანსური მხარდაჭერით ხორციელდება. პროექტის ფარგლებში მიღწეული შედეგების პრეზენტაცია კრწანისის ტყეპარკში გაიმართა.

„2020 წელს დაწყებული პროექტის ფარგლებში, მეცნიერთა ჯგუფების მიერ პირველად განახლდა საქართველოს ,,წითელი ნუსხა”, დამუშავდა მრავალი წლის განმავლობაში შექმნილი სტატისტიკური და სამეცნიერო ინფორმაცია. ჩატარებული სამუშაოების შედეგად, ასობით სახეობის საკონსერვაციო სტატუსი განახლდა. აღსანიშნავია, რომ საქართველოს მოქმედი ,,წითელი ნუსხა” 2006 წელს დამტკიცდა და მას შემდეგ მისი გადახედვა/განახლება არ მომხდარა.

განახლებული ინფორმაცია საფუძვლად უნდა დაედოს გარემოს დაცვისა და სოფლის მეურნეობის სამინისტროს მიერ მომზადებულ ბიომრავალფეროვნების კანონის აღსრულებას, ევროკავშირთან ასოცირებით ნაკისრი ვალდებულებების დანერგვას და სახეობათა დაცვასა და მდგრად მართვას სრულიად განსხვავებული, საერთაშორისოდ აღიარებული მეთოდოლოგიის მიხედვით. ამ ეტაპზე, ბიომრავალფეროვნების კანონის პროექტი მთავრობაზე წარსადგენად მზადაა.

ბიომრავალფეროვნების კანონის დამტკიცების შემდგომ, სახეობების კლასიფიკაციის და დაცვის განსხვავებული მექანიზმები დაინერგება, რომელიც შესაბამისობაშია ბუნების დაცვის მსოფლიო კავშირის (IUCN) ინსტრუქციებთან.

ღონისძიებას სახელმწიფო და საერთაშორისო ორგანიზაციების, არასამთავრობო სექტორის და სამეცნიერო წრეების წარმომადგენელები ესწრებოდნენ“,- აღნიშნავენ უწყებაში.

ავტორი: NS (სტატია დაფინანსებულია),

სოციალური ქსელები

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება

HRW საქართველოში არასამთავრობო ორგანიზაციების მდგომარეობაზე ანგარიშს აქვეყნებს

უკრაინამ ბოლო 4 დღეში აზოვის ზღვაში 35 რუსულ ტანკერს დაარტყა