„ომიკრონის“ შემთხვევებიდან ჰოსპიტალიზაცია დასჭირდა ერთეულ მოქალაქეს. არცერთს არ დასჭირვებია ინტენსიური თერაპია ან რეანიმაცია, - ამის შესახებ ჯანდაცვის მინისტრის მოადგილემ, თამარ გაბუნიამ საკოორდინაციო საბჭოს დასრულების შემდეგ, ბრიფინგზე განაცხადა. 

მისივე თქმით, ჯანდაცვის სექტორი დღეს 50%-იანი დატვირთვით მუშაობს და ბოლო პერიოდში, აღინიშნებოდა შემთხვევათა კლება. 

„დღევანდელი საკოორდინაციო საბჭოს მთავარი თემა იყო მზაობა „ომიკრონის“ შემთხვევების მოსალოდნელ მატებასთან დაკავშირებით. ჯანდაცვის სექტორი დღეს 50%-იანი დატვირთვით მუშაობს. ბოლო პერიოდში შემთხვევების კლება გვქონდა და ამან მოგვცა საწოლფონდის განტვირთვის შესაძლებლობა. 9 000-მდე საწოლია მობილიზებული. აქედან დატვირთულია 4 431 საწოლი, 281 პაციენტი რჩება რეანიმაციულ განყოფილებაში და 1 083 პაციენტი არის ინტენსიური თერაპიის განყოფილებაში. ეს შემთხვევები ძირითად დელტა შტამით არის გამოწვეული. „ომიკრონის“ შემთხვევებიდან ჰოსპიტალიზაცია დასჭირდა ერთეულ მოქალაქეს. არცერთს არ დასჭირვებია ინტენსიური თერაპია ან რეანიმაცია და ძალიან მალე მოხდა მათი გაწერა ჰოსპიტლებიდან", - განაცხადა თამარ გაბუნიამ.

თამარ გაბუნიამ ჰოსპიტალური სექტორის დატვირთვაზეც ისაუბრა და აღნიშნა, რომ სექტორი მობილიზებული რჩება და  „ომიკრონის“, რომელიც ძირითადად მსუბუქი, საშუალო სიმძიმისაა ბინაზე მართვაა შესაძლებელი. 

„ჰოსპიტალური სექტორი მობიზებული რჩება. ჩვენ გავიარეთ კორონავირუსის რამდენიმე ტალღა, ამ პირობებში, როდესაც ვიცით, რომ „ომიკრონი“ ძირითადად შედარებით მსუბუქი, საშუალო სიმძიმისაა, რომლის მართვაც შესაძლებელია ბინაზე, განსაკუთრებით მნიშვნელოვანია პირველადი ჯანდაცვის მობილიზება. ამ მიმართულებით მუშაობა ჯერ კიდევ დეკემბერში დაიწყო, როდესაც ყველა ოჯახის ექიმი არის გადამზადებული კოვიდის მართვის საკითხებში. დღეს თუ მუშაობს 62 ონლაინკლინიკა, კვირის განმავლობაში კიდევ დაემატება 40 ონლაინკლინიკა, რათა ქსელი მაქსიმალურად იყოს გაშლილი და ყველა ადამიანს ჰქონდეს თავისი ოჯახის ექიმისგან კონსულტაციის მიღების საშუალება“, - დასძინა თამარ გაბუნიამ.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს