„ერთიანი ნაციონალური მოძრაობის“ თავმჯდომარე და თბილისის მერობის კანდიდატი, ნიკა მელია აცხადებს, რომ აუცილებელია მიხეილ სააკაშვილის მრავალპროფილურ საავადმყოფოში გადაყვანა. ამის შესახებ, მისი თქმით, ხელისუფლებას მთელი კონსილიუმი და პროფესიონალებით დაკომპლექტებული გუნდი აფრთხილებს. 

„სატელეფონო ზარების განხორციელების საშუალება არ მიეცა პატიმარს, რამდენი დღეა შიმშილობს და სასამართლო პროცესი არ ჩაუნიშნეს. რა არის ეს თუ არა დატყვევება. ადამიანი ჰყავთ დატყვევებული და მთელი კონსილიუმი, პროფესიონალებით დაკომპლექტებული გუნდი ითხოვს, აფრთხილებს ხელისუფლებას, რომ მისი გადაყვანა საჭიროა მრავალპროფილურ საავადმყოფოში და არა იქ, სადაც უპირებენ. ამიტომ, მე ხელისუფლებას მოვუწოდებ კიდევ ერთხელ, ორჯერ დაფიქრდნენ მართლა ცეცხლს ეთამაშებიან, საზოგადოების მნიშვნელოვანი ნაწილის მოთმინებას ეთამაშებიან. არაფერი ექსტრაორდინალური თხოვნა არ არის, რომ უმძიმეს მდგომარეობაში მყოფი ადამიანი თუ ეს მდგომარეობა შეიქმნა, გადაიყვანონ მეტად დაცულ სამედიცინო დაწესებულებაში, სადაც იქნება ყველა სახის პირობა, რომ უზრუნველყონ მისი ჯანმრთელობა. ამ დროს აქ გაჯიუტება ხელისუფლების მხრიდან რა არის, თუ არა უპასუხისმგებლობა“, – ამბობს მელია.

ცნობისთვის, მიხეილ სააკაშვილმა ციხიდან წერილი გაავრცელა, სადაც ამბობდა რომ შიმშილობა დაიწყო და  შეწყვეტას არ აპირებს მანამდე, ვიდრე თავად და მის გამო დაკავებული ადამიანები არ იქნებიან გათავისუფლებულები. ის მე-24 დღეა შიმშილობს.

ავტორი: ექსპრესნიუსი,

სოციალური ქსელები

დუროვმა რუსეთში ტერორიზმის ხელშეწყობაში ბრალს ფოტოთი უპასუხა

ბერძენიშვილი: საზოგადოებრივი მაუწყებლის თანამშრომლებს არ აქვთ უფლება, სოციალურ მედიაში საკუთარი აზრი გამოხატონ

მიხეილ სააკაშვილი: ოპოზიციის ნაწილი ცდილობს ივანიშვილის ფულს შეუერთდეს

თინათინ ბერძენიშვილი ხელახლა აირჩიეს საზოგადოებრივი მაუწყებლის გენერალურ დირექტორად.