„ჩემს კლასელებს შიათ“ - ამ ლოზუნგით სოციალურ ქსელში მშობელთა საინიციატივო ჯგუფმა კამპანია წამოიწყო, რომლის მოთხოვნაც სკოლებში მოსწავლეების უფასო კვებაა.

ჯგუფში ვრცელდება მეოთხეკლასელ მოსწავლეებში ჩატარებული კვლევა, რომლის მიხედვითაც, სკოლაში მისვლის დროს ქართველი მოსწავლეების 77%-დან 35% ყოველთვის, 42% კი, ხანდახან განიცდის შიმშილის გრძნობას.

აღნიშნულია, რომ ეს კვლევა არ მსჯელობს შიმშილის მიზეზებზე, მაგრამ, რადგან UNICEF-ის 2019 წელს ჩატარებული კვლევით ცნობილია, რომ ყოველი მეოთხე ბავშვი სიღარიბეში ცხოვრობს, შესაძლოა ითქვას, რომ მთავარი მიზეზი საკვების არქონაა.

„ნებისმიერ საზოგადოებასა და სახელმწიფოზე იმით შეგვიძლია ვიმსჯელოთ, როგორ ექცევიან მოხუცებსა და ბავშვებს. ჩვენთან ბავშვების შიმშილი თითქოს უხილავია - ამაზე არ ლაპარაკობენ არც პოლიტიკოსები, არც ტელევიზიები, არც უფლებადამცველები, მაგრამ ბავშვები შიმშილობენ მზის შუქზე, ჩვენ თვალწინ, ჩვენს ოთახში, ჩვენს სამეზობლოში, სანათესაოში, სამეგობროში, ჩვენი შვილების საკლასო ოთახებში“, - აღნიშნულია გავრცელებულ განცხადებაში.

მშობელთა საინიციატივო ჯგუფი მოუწოდებს სახელმწიფოს, დაიწყოს ბავშვთა სასკოლო კვების საყოველთაო პროგრამა.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის