2021-10-10 12:23:03, 664 ნახვა
საზოგადოება
ბათუმში ტრაგედიის ადგილას მოქალაქეები ყვავილებით და სათამაშოებით მიდიან
ბათუმში ტრაგედიის ადგილზე დილიდან მიდიან რიგითი მოქალაქეები. ისინი ადგილზე სანთლებს ანთებენ და ყვავილებს ტოვებენ.
„ეს ტრაგედია აღარ უნდა განმეორდეს, მოვედი, რომ პატივი მივაგო გარდაცვლილთა ხსოვნას და გამოვუცხადო თანადგომა მათ ახლობლებს, ბევრი ადამიანი მოვა აქ“, – აცხადებს ერთ-ერთი მოქალაქე.
ადგილზე განთავსებულია საინფორმაციო ბანერი, სადაც მითითებულია როგორ შეუძლიათ დაზარალებული ოჯახების დახმარება. მოქალაქეები უსახლკარო დარჩენილ ოჯახების დასახმარებლად უბედური შემთხვევის დღიდან გაერთიანდნენ. ბანერზე გამოკრულია ანგარიშის და ტელეფონის ნომერი , დახმარების მსურველ მოქალაქეებს შეუძლიათ დარეკონ ნომერზე 577 60 60 01.
ავტორი: ექსპრესნიუსი,
epn.ge (@expressnews.ge)
