საქართველოს თავდაცვის სამინისტროში შიდა აუდიტის ტრენინგები დაიწყო. -ამის შესახებ ინფორმაციას თავდაცვის სამინისტრო ავრცელებს.

ღონისძიების გახსნა მონაწილეებს დისტანციურად საქართველოს თავდაცვის მინისტრის პირველმა მოადგილემ ლელა ჩიქოვანმა, ნატოს სამეკავშირეო ოფისის დირექტორმა როზარია პუგლისმა, ფინანსთა მინისტრის მოადგილემ მიხეილ დუნდუამ და ნატოს კეთილსინდისიერების ამაღლების პროგრამის კოორდინატორმა ბენედიქტ მორელმა მიულოცეს და კურსის მნიშვნელობაზე ისაუბრეს.

ღონისძიება საქართველოს თავდაცვის სამინისტროს ინიციატივით მიმდინარეობს. ტრენინგები დისტანციურად ჩატარდება, რომელსაც 20 სხვადასხვა საჯარო უწყების შიდა აუდიტორი დაესწრება. ტრენინგები საქართველო-ევროკავშირის ასოცირების დღის წესრიგით განსაზღვრული რეფორმის მიხედვით მიმდინარეობს. მისი მიზანი საჯარო სექტორში ფუნქციურად ძლიერი შიდა აუდიტის სამსახურების ჩამოყალიბება და მათი საქმიანობის საერთაშორისო სტანდარტებთან შესაბამისობის უზრუნველყოფაა. ტრენინგს დისტანციურად დიდი ბრიტანეთის თავდაცვის სამინისტროს შიდა აუდიტის დეპარტამენტის რჩევით მოწვეული ექსპერტი, ჯონ ჩეშიერი უძღვება, რომელიც სამი დღის განმავლობაში მონაწილეებს შიდა აუდიტის თანამედროვე მიდგომებზე და საქმიანობის ღირებულების გაზრდის მეთოდებზე ესაუბრება.

კურსი ტრენერთა მომზადების კომპონენტსაც მოიცავს, რომლის ფარგლებშიც საქართველოს გარემოს დაცვისა და სოფლის მეურნეობის სამინისტროს და საქართველოს ფინანსთა სამინისტროს შემოსავლების სამსახურის შიდა აუდიტის ერთეულების წარმომადგენლები ტრენინგის მონაწილეებს საკუთარ გამოცდილებას გაუზიარებენ. შიდა აუდიტის ტრენინგი დიდი ბრიტანეთისა და ჩრდილოეთ ირლანდიის გაერთიანებული სამეფოსა და საქართველოს თავდაცვის სამინისტროებს შორის ნაყოფიერი თანამშრომლობის შედეგად დაიწყო და ნატოს სამეკავშირეო ოფისისა და ნატოს კეთილსინდისიერების ამაღლების (BI) პროგრამის მხარდაჭერით, ასევე ფინანსთა სამინისტროსთან კოორდინაციით მეშვიდედ ტარდება.

ავტორი: NS (სტატია დაფინანსებულია),

სოციალური ქსელები

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს

უკრაინის პარლამენტმა ქვეყნის მთავრობა დაითხოვა

გეგელია - იმ ფონზე, როცა უკრაინა და მოლდოვა წინ მიდიან, საქართველო არის სრულ ჩიხში და იზოლაციაში

ჩინეთმა რუსეთთან ახალი გაზსადენი „სიბირის ძალა 2“-ის შესახებ მოლაპარაკებები შეაჩერა