2021-07-28 11:12:35, 1269 ნახვა

---

კელი დეგნანი - ვაქცინაცია საუკეთესო გზაა პანდემიისგან საკუთარი თავის, საყვარელი ადამიანებისა და ეკონომიკის დასაცავად

საქართველოში აშშ-ის ელჩი კელი დეგნანი,  ჯანდაცვის მინისტრ ეკატერინე ტიკარაძესთან ერთად თბილისის რესპუბლიკურ საავადმყოფოში ვაქცინაციის პროცესს გაეცნო. 

მისი თქმით, "ვაქცინაცია არის საუკეთესო გზა პანდემიისგან საკუთარი თავის, საყვარელი ადამიანებისა და ეკონომიკის დასაცავად".

"აშშ მოხარულია, რომ შეძლო კორონავირუსის საწინააღმდეგო „ფაიზერის“ ვაქცინის 500 ათასი დოზის გადმოცემა და ჩვენ ნამდვილად მოხარულები ვართ, რომ ვხედავთ, ამდენი ქართველი მოდის რეგისტრაციასა და ვაქციანაციაზე. ეს არის ძალინ მნიშვნელოვანი, განსაკუთრებით ახლა, როდესაც ვხედავთ, რომ აქ, საქართველოში გამოვლინდა "დელტა" შტამი და ინფიცირების მაჩვენებელი იზრდება. კიდევ ერთხელ მოვუწოდებ ხალხს, გთხოვთ, აიცერით, ძალიან მნიშვნელოვანია ვაქცინის გაკეთება. აშშ ეხმარება საქართველოს პანდემიის დაწყებიდან და ჩვენ გვსურს, დაგეხმაროთ ვაქცინაციის ფაზაშიც. ეს არის ის, რაც ნამდვილად დაამარცხებს პანდემიას“, – განაცხადა კელი დეგნანმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი