„როგორც ცნობილია, საქართველოში ეკონომიკისა და მდგრადი განვითარების სამინისტროს ორგანიზებით  ხორციელდება ენერგეტიკული სექტორის უმნიშვნელოვანესი რეფორმა, რომლის ამოცანაა ორგანიზებული ენერგეტიკული ბაზრების ჩამოყალიბება, ენერგეტიკის სექტორში კონკურენტული გარემოს შექმნა და მომხმარებლებისათვის მომსახურების ხარისხის გაუმჯობესება.

ახალი ბაზრის მოდელის კონცეფციით ბაზრის გახსნისთვის დაგეგმილი ეტაპების მიხედვით, უნდა გაიზარდოს იმ მომხმარებელთა და, ასევე, გენერაციის მოცულობის წილი, რომლებიც ვაჭრობენ ენერგეტიკულ ბაზრებზე“, - განაცხადა ეკონომიკისა და მდგრადი განვითარების მინისტრის მოადგილე დავით თვალაბეიშვილმა.

მინისტრის მოადგილის ინფორმაციით, ზოგიერთმა არასამთავრობო ორგანიზაციამ ცალკეულ მედია საშუალებებში გაავრცელა არასწორი და მიზანმიმართულად მიკერძოებული ინფორმაცია ამ უმნიშვნელოვანესი რეფორმის მიმდინარეობის შესახებ.

„ცალსახად ვაცხადებთ, რომ ენერგეტიკული რეფორმა, პირიქით, მიმდინარეობს წარმატებით. უკვე მიღებულია ყველა მარეგულირებელი ნორმა და წესი, რომლებიც აუცილებელია ორგანიზებული ენერგეტიკული ბაზრების ფუნქციონირებისათვის. ასევე განხორციელდა გამანაწილებელი კომპანიების გაყოფა (ანბანდლინგი) და დასასრულს უახლოვდება უნივერსალური მიმწოდებლების დაფუძნება, რაც მოსახლეობის, ასევე მცირე ბიზნესის დაცვის გარანტიაა. მნიშვნელოვანია, რომ საქართველო პირველი ქვეყანაა რეგიონში, სადაც ენერგეტიკული ბაზრის გახსნის მიზნით დაფუძნდა ენერგეტიკული ბირჟა, ასევე მოხდა ენერგიის ვაჭრობის ევროპული პლატფორმის ადაპტირება, ჩატარდა ენერგეტიკული ბირჟის მონაწილე კომპანიების ტრენინგები და ა.შ. ამჟამად ენერგეტიკული ბირჟა სატესტო რეჟიმში მუშაობს. ეს უმნიშვნელოვანესი სისტემა სრულფასოვნად დაახლოებით 6 თვის შემდეგ ამოქმედდება, როდესაც ქვეყნის ენერგეტიკული ბაზარი აღდგება პანდემიით გამოწვეული გავლენების განეიტრალების შედეგად“, - განაცხადა დავით თვალაბეიშვილმა.

ავტორი: NS (სტატია დაფინანსებულია),

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა