მადლობა მინდა ვუთხრა ოპოზიციას, რასაც აკეთებს, მე მათი მჯერა და მწამს, - ამის შესახებ „მთავრი არხის“ მეწილემ, გიორგი რურუამ სასჯელაღსრულების დაწესებულების დატოვების შემდეგ ჟურნალისტებს განუცხადა.

როგორც მან აღნიშნა, საპატიმროში წელიწადნახევარი ტყუილი ბრალდებით გაატარა.

„მინდა მადლობა ვუთხრა ევროკავშირის პრეზიდენტს, შარლ მიშელს. ასევე მადლობა მინდა ვუთხრა აშშ-ის ელჩ კელი დეგნანს, ევროკავშირის ელჩ კარლ ჰარცელს, ჩვენს დიდ მეგობრებს სენატში - შაჰინსა და რიშს. ასევე მადლობა მინდა ვუთხრა ევროპარლამენტარებს, კუბილიუსს, ანა ფოტიგას, მარკეტა გრეგოროვას და სხვებს. რაც მთავარია პირველი პუნქტის ნახევარი შესრულდა და კრიზისის დასაძლევად მნიშვნელოვანია, რომ მეორე ნახევარიც შესრულდეს და ნიკა მელიამ სასწრაფოდ დატოვოს უკანონო პატიმრობა.

მოგეხსენებათ, რომ წელიწადნახევარი ტყუილად გავატარე ციხეში. არ ვიცი რატომ, ტყუილი ბრალდებით და ეს დამტკიცდა და ყველასთვის ნათელია - ნიშნისმოგებას აღარ ვაპირებ, წინ გავიხედოთ და ვიმუშაოთ, რომ ქვეყანა ამ კრიზისიდან გამოვიყვანოთ. ასევე მადლობა მინდა ვუთხრა ოპოზიციას, რასაც აკეთებს. მე მათი მჯერა და მწამს და ხელი უნდა შევუწყოთ“, - განაცხადა გიორგი რურუამ.

შეგახსენებთ, რომ გიორგი რურუას შეწყალების აქტს პრეზიდენტმა ხელი დაახლოებით, 2 საათის წინ მოაწერა.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა