კრისტიან დანიელსონის მედიაციით ხელისუფლებას და ოპოზიციას შორის დიალოგი 29 მარტიდან განახლდება

2021-03-26 14:07:06, 620 ნახვა

პოლიტიკა

ევროსაბჭოს პრეზიდენტის შარლ მიშელის პირადი წარმომადგენლი, კრისტიან დანიელსონის მედიაციით, ხელისუფლებასა და ოპოზიციას შორის მოლპარაკების პროცესი, 29 მარტიდან განახლდება.

აღნიშნული ინფორმაცია „ექსპრესნიუსს“ევროკავშირის წარმომადგენლობის პრესამსახურში დაუდასტურეს.

მათივე ინფორმაციით, შარლ მიშელის პირადი წარმომადგენელი თბილისს, სავარაუდოდ, კვირას, 28 მარტს ეწვევა.

ცნობისთვის, კრისტიან დანიელსონი საქართველოში პოლიტიკურ პარტიებს შორის დიალოგში მონაწილეობისთვის, უკვე მეორედ ჩამოდის.პირველად, შარლ მიშელის პირადი წარმომადგენლის ვიზიტი საქართველოში 12 მარტიდან 19 მარტამდე გაგრძელდა, თუმცა მისი შუამავლობით ოპოზიციასა და ხელისუფლებას შორის გამართული შეხვედრები შეთანხმების გარეშე დასრულდა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან