სერგეენკო: პაციენტებს, რომლებიც ტუბერკულოზის სამკურნალო დანიშნულებას არ დაემორჩილებიან, სტაციონალურ პირობებში უმკურნალებენ

2015-10-06 13:21:37, 651 ნახვა

საზოგადოება

ტუბერკულოზის მკურნალობა საქართველოში სავალდებულო ხდება. აღნიშნულს "ტუბერკულოზის კონტროლის შესახებ" კანონპროექტი ითვალისწინებს.

ამ თემაზე განმარტება დღეს შრომის, ჯანმრთელობისა და სოციალური დაცვის მინისტრმა დავით სერგეენკომ გააკეთა. მინისტრის თქმით, პაციენტები, რომლებიც ტუბერკულოზის სამკურნალო დანიშნულებას არ დაემორჩილებიან, იძულებული გახდებიან, მათ სტაციონალურ პირობებში უმკურნალონ.

"ტუბერკულოზი სპეციფიური დაავადებაა, რომლის გადაცემაც ხშირად აერწვეთოვანი გზით ხდება. ამიტომ მნიშვენლოვანია, რომ ყველა პაციენტი, რომელსაც სახელწმიფო უზრუნველყოფს თანამედროვე მკურნალობით, ამ მკურნალობას დაექვემდებარონ და მიიღონ, არის ერთეული შემთხვევები, როცა პაციენტები არ ემორჩილებიან დანიშნულებას. ამ შემთხვევაში, საზოგადოების უასაფრთხოებიდან გამომდინარე, იძულებული გავხდებით,რომ ერთგვარი იზოლაცია, მკურნალობა ჩავუტაროთ სტაციონალურ პირობებში და არა ამბულატორიაში",-განაცხად დავით სერგეენკომ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან