„თურქეთის რესპუბლიკის პარლამენტმა ძალიან მნიშვნელოვანი გადაწყვეტილება მიიღო, რომელსაც ჩვენ და ჩვენი გარკვეული ბიზნესები 4 წელია ველოდებოდით," - ასე შეაფასა ეკონომიკისა და მდგრადი განვითარების მინისტრმა ნათია თურნავამ ე.წ. დიაგონალური კუმულაციის მექანიზმის ამოქმედების შესახებ შეთანხმების რატიფიკაცია, რომლის საფუძველზეც შესაძლებელი იქნება თურქეთიდან იმპორტირებული ინდუსტრიული ნედლეულის საფუძველზე დამზადებული პროდუქცია თავისუფალი ვაჭრობის რეჟიმით იქნას შეტანილი ევროკავშირის ბაზარზე. აღნიშნული განცხადება მინისტრმა მთავრობის ადმინისტრაციაში გამართულ ბრიფინგზე გააკეთა.

„შეთანხმების ამოქმედება მნიშვნელოვანია ისეთი დარგებისთვის, რომლებიც სამრეწველო წარმოებისთვის თურქეთიდან შემოსულ ნედლეულს იყენებენ. საუბარია არასასურსათო წარმოებაზე, როგორიცაა ტექსტილი, სამკერვალო ინდუსტრია, ავეჯის, პლატმასისა და საშენ მასალების წარმოება და სხვ," - განაცხადა მინისტრმა. მისი თქმით, ტექტილის მიმართულებთ დაახლოებით 80 მლნ დოლარით მეტი პროდუქცია, რომელიც ნაწარმოები იქნება თურქული ნედლეულით, შეიძლება გავიდეს ევროკავშირში და ისარგებლოს თავისუფალი ვაჭრობის შეთანხმებით.

მინისტრის ინფორმაციით, „შეთანხმების რატიფიკაცია განსაკუთრებით გაუხარდა სამკერვალო ინდუსტრიას, რომელიც საქართველოში ბევრ ადამიანს ასაქმებს. ეს არის შესაძლებლობა, ევროკავშირში ჩვენი საექსპორტო პოტენციალი გაიზარდოს. დარჩენილია მცირეოდენი ფორმალობა და აღნიშნული მექანიზმი ამოქმედდება."  

ავტორი: NS (სტატია დაფინანსებულია),

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია