მინისტრების მონაწილეობით, დღეს მორაგბეთა მხარდამჭერი მატჩი გაიმართება

2015-10-06 11:35:38, 517 ნახვა

საზოგადოება

ქართველი ბორჟღალოსნების მხარდასაჭერად რაგბს დღეს დავით სერგეენკო და ტარიელ ხეჩიკაშვილი ითამაშებენ.

ჯანდაცვის სამინისტროს ინფორმაციით, შევარდენის სტადიონი დღეს მსოფლიოს თასზე საქართველოს მორაგბეთა მხარდასაჭერ მატჩს უმასპინძლებს, სადაც მონაწილეობას ჯანდაცვის მინისტრი დავით სერგეენკო, სპორტის მინისტრი ტარიელ ხეჩიკაშვილი, ვეტერანი მორაგბეები და სამინისტროების სხვა წარმომადგენლები მიიღებენ. გუნდებს მინისტრები უკაპიტნებენ.

ამხანაგური მატჩის მიზანს ქართველ მორაგბეთა მხარდაჭერა და ჯანსაღი ცხოვრების წესის პროპაგანდა წარმოადგენს. მატჩს დიდი ბრიტანეთის გაერთიანებული სამეფოს სრულუფლებიანი და საგენგებო ელჩი საქართველოში ალექსანდრა ჰოლ ჰოლი და მთავრობის სხვა წევრები დაეწრებიან.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან