2021-01-26 13:03:26, 635 ნახვა
სამართალი
ირაკლი ჩავლეიშვილის დევნის ბრალდებით დაკავებულ ირაკლი ფანგანს აღკვეთის ღონისძიებად გირაო შეეფარდა
აჭარის უმაღლესი საბჭოს დეპუტატ ირაკლი ჩავლეიშვილის დევნის ბრალდებით დაკავებულ ირაკლი ფანგანს აღკვეთის ღონისძიებად 2000-ლარიანი გირაო შეეფარდა.
შესაბამისი გადაწყვეტილება ბათუმის საქალაქო სასამართლოში ცოტა ხნის წინ მიიღეს.
ამასთან, ირაკლი ფანგანი კვირაში ერთხელ გამომძიებელთან უნდა გამოცხადდეს.
შეგახსენებთ, რომ შსს-მ ირაკლი ფანგანი ბათუმში, აჭარის უმაღლესი საბჭოს დეპუტატის ირაკლი ჩავლეიშვილის მიმართ განხორციელებული დევნისა და ნაგვის თავზე დაყრის ფაქტზე დააკავა. მომხდარზე გამოძიება სსსკ-ის 156-ე და 239-ე მუხლებით მიმდინარეობს, რაც დევნასა და ხულიგნობას გულისხმობს. ირაკლი ფანგანი 24 იანვარს გათავისუფლდა.
ავტორი: ექსპრესნიუსი,
epn.ge (@expressnews.ge)
