2021-01-25 21:50:56, 668 ნახვა
სამართალი
ფონიჭალაში სომხურ სატვირთო მანქანებს უცხო პირებმა ქვები დაუშინეს
ფონიჭალაში სომხურ სატვირთო მანქანებს უცხო პირებმა ქვები დაუშინეს.
ამის შესახებ ინფორმაციას სომხეთის საელჩო ავრცელებს.
განცხადებაში აღნიშნულია, რომ სატვირთო მანქანები საპატრულო პოლიციის თანხლებით საქართველო-სომხეთის საზღვარამდე მივიდნენ.
საელჩო ასევე აღნიშნავს, რომ აქტიურად თანამშრომლობს ქართულ მხარესთან გამოძიების საკითხში.
როგორც „ექსპრესნიუსს“ შინაგან საქმეთა სამინისტროში განუცხადეს, საქმეზე გამოძიება სისხლის სამართლის კოდექსის 187-ე მუხლით არის დაწყებული, რაც ნივთის დაზიანებას ან განადგურებას გულისხმობს.
ავტორი: ექსპრესნიუსი,
epn.ge (@expressnews.ge)
