2020-12-30 16:12:57, 862 ნახვა

---

სოფლის მეურნეობის სახელმწიფო ლაბორატორია 15 იანვრამდე მომსახურეობას მოქალაქეებს მხოლოდ გადაუდებელი აუცილებლობის შემთხვევებში გაუწევს

საქართველოში, 2021 წლის 3 იანვრიდან 15 იანვრის ჩათვლით, გამოცხადებულია უქმე დღეები. აღნიშნულიდან გამომდინარე,  გარემოს დაცვისა და სოფლის მეურნეობის სამინისტროს სისტემაში შემავალი უწყება, სსიპ სოფლის მეურნეობის სახელმწიფო ლაბორატორია აჩერებს სერვისების მიწოდებას.

ლაბორატორია მოქალაქეებს მომსახურებას გაუწევს მხოლოდ გადაუდებელი აუცილებლობის, როგორებიცაა, ცხოველთა განსაკუთრებით საშიში დაავადებები, სურსათით მასობრივი მოწამვლა და ა.შ. შემთხვევებში.

სსიპ სოფლის მეურნეობის სახელმწიფო ლაბორატორიაში, პანდემიის პირობებში შემუშავებული  რეგულაციების სრული დაცვით მოქალაქეებისთვის სერვისების მიწოდება 2021 წლის 18 იანვრიდან აღდგება.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი