შუახევის მერის მოვალეობის შემსრულებელმა ომარ ტაკიძემ, მედიცინის მუშაკთა პროფესიული დღე შუახევის სამედიცინო პერსონალს მიულოცა და კორონა ვირუსთან ბრძოლის პროცესში გამოჩენილი თავდადებისთვის, მოქალაქეების ჯანმრთელობაზე თავდაუზოგავი ზრუნვისა და გაწეული ძალისხმევისთვის მადლობის სიგელები გადასცა.

„დღეს როდესაც მსოფლიო დიდი გამოწვევის წინაშე დგას, არაფერია იმაზე საპატიო მისია, იდგე ადამიანების სიცოცხლის სადარაჯოზე და ზრუნავდე მათ ჯანმრთელობაზე. მადლობას გიხდით იმ სამოქალაქო გმირობისთვის, რომელსაც ყოველდღე ჩადიხართ და თქვენი მაღალი პროფესიონალიზმიდან გამომდინარე ამ გამოწვევას ღირსეულად პასუხობთ. ქედს ვიხრი თქვენი კოლეგების ხსოვნის წინაშე, რომლებიც პანდემიის დაწყების დღიდან, აქტიურად იყვნენ ჩართული კორონა ვირუსთან ბრძოლაში“- განაცხადა ომარ ტაკიძემ.

პროფესიული დღესასწაული მედიკოსებს ომარ ტაკიძესთან ერთად, მერის მოადგილე რუსუდან შავაძემაც მიულოცა.

ჯილდო სასწრაფო სამედიცინო დახმარების ცენტრს, რაიონულ ჰოსპიტალს, საზოგადოებრივი ჯანდაცვის ცენტრსა და ამბულატორიებს გადაეცა.

საქართველოს მედიცინის მუშაკთა პროფესიული დღე ყოველწლიურად, 23 დეკემბერს აღინიშნება.

ავტორი: NS (სტატია დაფინანსებულია),

სოციალური ქსელები

გარდაბანში ავარიის შედეგად 8 ადამიანიდან 7 ადგილზე დაიღუპა, ერთი კრიტიკულ მადგომარეობაშია - ვიდეო

15-16 მაისს მოსალოდნელია დროგამოშვებით ნალექი - სააგენტოს გაფრთხილება

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა