პარტია „გირჩის“ ლიდერი ზურაბ ჯაფარიძე და „რეფორმერ ფიტნესის“ მფლობელი პოლიციაში გამოკითხვაზე იმყოფებიან.

ისინი დაკითხვაზე მას შემდეგ გადაიყვანეს, რაც პოლიციამ ფიტნეს კლუბი იძულებით დალუქა.

ჯაფარიძის თქმით, მისთვის გაუგებარია, რატომ არ უშვებენ მას იმ ფართში, რომელიც საცხოვრებლად დაიქირავა.

„ჩემივე ნაქირავები ფართიდან გამომაძევეს, ფანტელები, ტრენაჟორები ძაფებით დააბეს და დალუქეს. საბოლოო ჯამში აღარ შემიშვეს და საპატიო ყარაული დატოვეს. 6 პოლიციელი, რომელიც მთელი ღამე იცავდა სავარჯიშო დარბაზს. ჩემი მოთხოვნა იქნება ის, რომ შემიშვან, რათა ვაპირებ, რომ აქ ვიცხოვრო. მათ არ აქვთ არანაირი უფლება, რომ მე დამტოვონ გარეთ. თუ მათ აქვთ პრობლემა რომელიმე შპს-სთან, გაარკვიონ მასთან“, - განაცხადა ზურაბ ჯაფარიძემ.

ცნობისთვის, ფიტნეს კლუბი, რომელიც ზურაბ ჯაფარიძემ საცხოვრებელ ფართად იქირავა, პოლიციამ რამდენიმე გაფრთხილების შემდეგ იძულებით დალუქა. მათივე ცნობით,  დალუქვის მიზეზი გახდა ის, რომ ფიტნესკლუბი არ დაემორჩილა „იზოლაციისა და კარანტინის წესების დამტკიცების შესახებ“ საქართველოს მთავრობის 2020 წლის 23 მაისის №322 დადგენილებით გათვალისწინებულ შეზღუდვებს.

ავტორი: ექსპრესნიუსი,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა