გიორგი შაქარაშვილის საქმეზე დაკავებული ერთ-ერთი არასრუწლოვანის ადვოკატი აცხადებს, რომ დღევანდელ სასამართლო სხდომაზე გამოცხადებული განაჩენი უსამართლოა და მას აუცილებლად გაასაჩივრებენ.

მისივე თქმით, მოსამართლე ოშხერელმა ყველა არასრულწლოვნის მიმართ გამამტყუნებელი განაჩენი გამოიტანა, რათა ასიამოვნოს პროკურატურას და არ გამოიკვეთოს ხალხის უკმაყოფილება წინასაარჩევნოდ.

„მოსამართლემ გუშინ წინ დაამთავრა სისხლის სამართლის საქმის განხილვა და ორ დღეში დაადგინა განაჩენი, რაც პირდაპირ ნიშავს, რომ განაჩენი დიდი ხნის წინ ჰქონდა დაწერილი მოსამართლე ოშხერელს და ედო უბრალოდ კარადაში, გადმოიღო დღეს და წაიკითხა. სამწუხაროა, რომ ეს ქალბატონი, რომელიც ასეთი გამოცდილების და ასეთი კვალიფიკაციის მქონეა, ასეთ უსამართლო განაჩენებს იღებს დღევანდელ სასამართლო პროცესსში.

მიზანია, რომ ასიამოვნოს პროკურატურას, მიზანია, რომ საზოგადოებრივი მუხტი არ იქნეს წარმოჩენილი, იმიტომ რომ არჩევნები მოდის და ხალხის უკმაყოფილება არ გამოიკვეთოს, ამიტომ ყველა პირის მიმართ დადგა გამამტყუნებელი განაჩენი.

ჩავიბარებთ დასაბუთებელ განაჩენს და გავასაჩივრებთ, რა თქმა უნდა, ამას ესე არ დავტოვებთ და ყველა ინსტანციას მოივლის“, - განაცხადა ადვოკატმა.

შეგახსენებთ, რომ გიორგი შაქარაშვილის საქმეზე დაკავებული არასრულწლოვნები სასამართლომ დამნაშავედ ცნო. განაჩენი მცხეთის რაიონულ სასამართოს მოსამართლემ, მაია ოშხარელმა გამოაცხადა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს