2020-09-29 14:12:21, 1113 ნახვა
ომი უკრაინაში
კორონავირუსით გარდაცვლილი 34-ე პაციენტი საჩხერის საავადმყოფოში მკურნალობდა - 70 წლის მამაკაცს ქრონიკული დაავადებები ჰქონდა
საქართველოში კორონავირუსით გარდაცვლილი 34-ე პაციენტი საჩხერის საავადმყოფოში მკურნალობდა.
საჩხერის სამედიცინო ცენტრის დირექტორის, მიხეილ ქამუშაძის განცხადებით, გარდაცვლილი 70 წლამდე ასაკის მამაკაცია, რომელიც საავადმყოფოში ქუთაისის კლინიკიდან დადასტურებული „კოვიდ 19“-ით 26 სექტემბერს შეიყვანეს.
მისივე თქმით, მამაკაცს პნევმონიასთან ერთად, სხვა თანმდევი ქრონიკული დაავადებები აღენიშნებოდა.
„პაციენტს ჰქონდა ტუბერკულოზი. ბოლო პერიოდში დამძიმდა მისი მდგომარეობა და ჩატარებული რეანიმაციული ღონისძიებების მიუხედავად, მისი გადარჩენა ვერ მოხერხდა”, - განაცხადა მიხეილ ქამუშაძემ.
ავტორი: ექსპრესნიუსი,
epn.ge (@expressnews.ge)
