თამარ ბაჩალიაშვილის საქმეზე პროგრამისტ გიორგი ლუბარეცის გამოკითხვა მიმდინარეობს

2020-09-29 14:08:38, 696 ნახვა

სამართალი

თამარ ბაჩალიაშვილის საქმესთან დაკავშირებით პროგრამისტ გიორგი ლუბარეცის გამოკითხვა მაგისტრი მოსამართლის თანდასწრებით მიმდინარეობს.

პროგრამისტმა მაგისტრი მოსამართლის თანდასწრებით გამოკითხვა თავად მოითხოვა. ამის მიზეზად ლუბარეცი ასახელებს იმას, რომ იგი პროკურატურას არ ენდობა.

„მე მოვითხოვე მაგისტრი მოსამართლის თანადასწრებით გამოკითხვა. ამის მიზეზია ის, რომ არ ვენდობი ზოგადად პროკურატურას, რადგან ეგრევე ტელეფონი ჩამომართვეს და უნდათ რომ გახსნან და როცა არაფერ შუაში არ ვარ ჩემს ტელეფონში იძრომიალონ და ჩემი პირადი ინფორმაცია წაიღონ და დააკოპირონ“, - განაცხადა ლუბარეცმა.

ცნობისთვის, ლუბარეცი გუშინაც გამოიკითხა. პროგრამისტმა განაცხადა, რომ მას ბაჩალიაშვილის საქმესთან კავშირი არ აქვს და საგამოძიებო უწყებაში დაბარების მიზეზი მხოლოდ გარდაცვლილი პროგრამისტის შესახებ ინფორმაციის ინტერნეტში მოძიებაა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან