მიხეილ ჩხენკელის განცხადებით, მშობლებს ექნებათ შესაძლებლობა აირჩიონ დისტანციური სწავლების მეთოდი

2020-09-24 14:43:24, 566 ნახვა

კომენტარი

განათლების მინისტრის, მიხეილ ჩხენკელის განცხადებით, მშობლებს ექნებათ შესაძლებლობა, სურვილის შემთხვევაში აირჩიონ დისტანციური სწავლების მეთოდი.

„იმ სკოლებში, სადაც დისტანციურიდან გადავდივართ საკლასო ოთახებში სწავლის განახლებაზე, თუ მშობლები ჩათვლიან, რომ მათ ურჩევნიათ ბავშვმა სასწავლო პროცესი დისტანციურად გააგრძელოს, ეს პროცესი სკოლების მიერ უზრუნველყოფილი იქნება. სკოლები დაუკავშირდებიან მშობლებს და ვისაც ასეთი სურვილი ექნება, ისინი დარეგისტრირდებიან. ეს მაქსიმალურად მოქნილი სისტემაა და ყველას ინტერესს ითვალისწინებს“, – განაცხადა ჩხენკელმა.

ცნობისთვის, საკოორდინაციო საბჭოს გადაწყვეტილებით, პირველი ოქტომბრიდან თბილისში, ქუთაისში, რუსთავსა და ზუგდიდში სკოლებში სწავლა მეექვსე კლასის, ხოლო ფოთსა და გორში ყველა კლასის ჩათვლით განახლდება.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან