მეუფე ანტონი - როდესაც ოპოზიცია მოვა პოზიციაში, ჩვენ მასთანაც ვიქნებით

2020-09-21 14:01:26, 687 ნახვა

კომენტარი

ვანისა და ბაღდათის მიტროპოლიტი, მეუფე ანტონი „ქართული ოცნების“ წინასაარჩევნო ღონისძიებაზე მაღალი იერარქიის სასულიერო პირების დასწრებასთან დაკავშირებით კომენტარს აკეთებს.

მისი თქმით, როდესაც ოპოზიცია მოვა პოზიციაში, ისინი მათთანაც იქნებიან. მეუფემ განმარტა, რომ ეკლესია ყოველთვის არსებულ ხელისუფლებას უჭერს მხარს.

„როდესაც ოპოზიცია მოვა პოზიციაში, ჩვენ ასევე ვიქნებით მასთან. ყველა თაობაში, ეკლესია ყოველთვის უჭერს არსებულ ხელისუფლებას მხარს. ვისაც კი თბილი დამოკიდებულება ექნება ეკლესიასთან, აუცილებლად გავხდებით მათი მხარდამჭერები“, - ამბობს მეუფე ანტონი.

შეგახსენებთ, რომ გუშინ „ქართული ოცნების“ პარტიულ შეკრებას ვანისა და ბაღდათის მიტროპოლიტი მეუფე ანტონი და ქუთათელ-გაენათელი მიტროპოლიტი იოანე დაესწრნენ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან