ნაძალადევის რაიონში, ზღვის უბნის IV მიკრორაიონის V კორპუსის მიმდებარედ ავტოსადგომად გადაქცეულ ტერიტორიაზე სკვერი მოეწყო. დასასვენებელი სივრცის ფართობი 2 215 კვ.მ-ია.

პროექტის ფარგლებში, დამონტაჟდა საბავშვო გასართობი ატრაქციონები, დასასვენებელი პავილიონი, მოეწყო სარწყავი სისტემა, გარე განათების ქსელი, ბალახის საფარი, ბორდიური და საპარკე ინფრასტრუქტურა. ასევე, შესრულდა გამწვანების სამუშაოები და ტერიტორია დეკორატიული ფილებით მოპირკეთდა.

ახალი სკვერი ნაძალადევის რაიონის გამგებელმა, ირაკლი ხელაძემ დაათვალიერა.

„ამ ტერიტორიაზე, რომელიც ავტოსადგომად იყო გადაქცეული, მხოლოდ ძველ, ამორტიზებულ ატრაქციონებს ნახავდით. საერთოდ არ არსებობდა საპარკე ინფრასტრუქტურა. ავტოსადგომის ნაცვლად, ახალი დასასვენებელი სივრცე მოვაწყეთ, რომელიც ბავშვებისთვისაც არის განკუთვნილი და უფროსებისთვისაც. კეთილმოწყობილი სკვერით რამდენიმე კორპუსის მოსახლეობა ისარგებლებს. სწორედ ადგილობრივი მცხოვრებლების ჩართულობით განხორციელდა აღნიშნული პროექტი“, - განაცხადა ირაკლი ხელაძემ.

სკვერის სარეაბილიტაციო სამუშაოებისთვის ნაძალადევის რაიონის გამგეობამ 217 546 ლარი დახარჯა.

ავტორი: NS (სტატია დაფინანსებულია),

სოციალური ქსელები

აშშ-ის კონგრესმა ტრამპის შვილის ბარონის დაკითხვა მოითხოვა

აშშ-ის განცხადებით, ირანის საზღვაო ბლოკადა გრძელდება

საქართველოს განათლების სამინისტრომ სკოლის ფორმების ფასები დაამტკიცა

ევროკავშირმა სანქციები დააწესა რუსულ „ინტერ რაოზე“, რომელიც ირიბად ფლობს ენერგეტიკულ აქტივებს საქართველოში